Jurnalist Ziya Əsədli saxta iş üzrə həbs edilib � vəkil
Bakı/27.09.17/Turan: Jurnalist Ziya Əsədli saxta iş üzrə həbs edilib, vəkil Elçin Sadıqov belə hesab edir.
Müxalif "Azadlıq" qəzetinin bölgə müxbiri Əsədliyə qarşı Biləsuvar rayon polis şöbəsində hələ mayın əvvəllərində cinayət işi açılıb.
Həmin vaxt jurnalist bildirib ki, ona qarşı təzyiq Neftçala rayonunun Xırmandalı kənd sakinlərinin etiraz aksiyasından hazırladığı videoreportajdan sonra başlayıb.
Vəkil Elçin Sadıqovun Turan-a verdiyi məlumata görə, Əsədli sentyabrın 5-də Biləsuvar rayon məhkəməsi tərəfindən üç il azadlıqdan məhrumetmə cəzasına məhkum edilib və məhkəmə zalındaca həbs edilib.
Sadıqov hökmün çıxarılmasından sonra Əsədlinin müdafiəsinə qoşulub və artıq apellyasiya şikayəti yazıb.
Jurnalist yerli çayxana sahibinin şikayəti ilə mühakimə edilib. Əslində isə o, özü hücuma məruz qalıb.
Əsədli aprelin 9-da Biləsuvar şəhərində yerli çayxanaya daxil olduqda çayxana sahibi ona "burada müxalifətçilərə yer olmadığını" deyib.
Bu hadisədən sonra Əsədli təxribatlardan ehtiyatlandığı üçün bir daha bu çayxanaya getməyib.
Amma aprelin 19-da, jurnalist çayxananın yanından keçərkən çayxana sahibi ona hücum edib və bir neçə dəfə zərbə endirib.
Jurnalist hücum haqqında dərhal DİN-in "102" növbətçi xidmətinə məlumat versə də, sonradan ona qarşı Azərbaycan Cinayət Məcəlləsinin 221.1-ci (xuliqanlıq) maddəsi ilə cinayət işi açılıb. Sonradan iş daha ağır maddə olan 221.3-cü (xuliqanlıq, silahdan və ya silah kimi istifadə olunan əşyadan istifadə ilə törədildikdə) maddəyə tövsif edilib.
Jurnalist guya mobil telefonla çayxana administratorunun başına vurub.
Vəkil qeyd edib ki, ibtidai istintaq və məhkəmə prosesi obyektiv olmayıb. İşdə "şahidlər" də həmin çayxananın işçiləri olub.
Müdafiə tərəfi hökmdən şikayət verib və jurnalistə bəraət verilməsinə nail olmağa çalışacaq. -06D-
-
- İqtisadiyyat
- 27 Sentyabr 2017 14:38
-
- Cəmiyyət
- 27 Sentyabr 2017 15:49
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz