Jurnalistlər Gəncəbasarın tibb sistemi ilə tanış oldular

Səhiyyə Nazirliyi  23-24 sentyabr tarixlərində Göygöl, Gəncə və Yevlax rayonlarına  jurnalistlərin press-turunu təşkil edib.

Press-tur zamanı regionlarda  fəaliyyət göstərən tibb müəssələrində yaradılan şəraitlə, görülən işlərlə tanış olublar və mövcud problemləri araşdırıblar.

Jurnalistlərin səfəri  Göygöl Mərkəzi Rayon Xəstəxanasından başlanılıb.

Xəstəxananın baş həkimi Hamlet Ömərov bildirib:

 “Göygöl MRX 1930-cu ildə yaradılıb. 2009-cu il 25 mayda isə xəstəxana kompleksi tikilməyə başladı. Xəstəxana istifadəyə verilən kimi 1 ildə 3 minə yaxın xəstə müraciət edirdi.  2015-ci ildə yeni korpus tikildikdə isə 5300-ə qədər xəstə bizə müraciət edib.”deyə baş həkim vurğulayıb. Əvvəl bizdə 385 çarpayı var idi. Kənd səhiyyə ocaqları daxil olmaqla çarpayı sayı 181-ə endirilib. Çarpayının azaldılmasına baxmayaraq xəstələrin müalicə müddətinin azaldılması yönündən hər şey yaxşılaşıb.  Əvvəllər 3000 xəstə daxil olurdusa , bir ildə artıq 5700-5800 xəstə daxil olur”.

 Baş həkim həmçinin  xəstəxanada quraşdırılan müasir cihazlarla  mediya nümayəndəlrini tanış edib.

Burada şüa diaqnostika şöbəsi, rentgen otaqları mövcuddur. Bu xəstəxanada daimi su təchizatı, 200 kub metr tutumlu su hovuzu var. Bundan əlavə yanğın söndürən hovuzu da mövcuddur.

Xəstəxananın əsas tələbatı kadırlardadır. “Bu xəstəxanada orta tibb  işçiləri və həkimlərə vakansiya yerləri var. 34 həkim yeri və 25-30 nəfər tibb işçisi vakansiyası mövcuddur”, baş həkim qeyd edərək  bildirdi.

Göygöl  ətrafı  yaşayış məntəgələrində  son illər ərzində ana və körpə ölümlərinin sayın azaldığı və dünyaya gələn körpələrin  artması müşaidə  olunur. Məsələn 2007-ci ildə xəstəxanın təmirindən öncə bir ildə  400 körpə, 2015-ci ildə isə 2038 körpə dünyaya gəlib. Həmin ildə 400-500 cərrahi əməliyyat aparılırdısa, hal hazırda 1670 cərrahi əməliyyat aparılıb.

Media tur çərçivəsində Gəncə şəhərinin Səhiyyə İdarəsində mətbuat konfransı keçirilib.

Səhiyyə İdarəsinin rəis müavini Akif Zərbəliyev qeyd edib ki, idarənin tabeliyində 35 müəssisə fəaliyyət göstərir. Bu müəssələrdən 16-sı stasionar, 19-u poliklinik tiplidir. Bölgədə ən böyük xəstəxanalardan biri olan  285 çarpayılıq A.Səhhət adına 1 saylı şəhər xəstəxanası. 80 çarpayılıq Yoluxucu xəstəliklər xəstəxanası, 6 saylı poliklinika əsaslı təmir olunub. Şəhərdə ixtisaslaşmış sahələr üzrə Psixatriya xəstəxanası, Endokrinolojin xəstəxana, Vərəm Əleyhinə Xəstəxanası, Oftamoloji Xəstəxana, Kardioloji Xəstəxana və s.

Səhiyyə İdarəsinin tabeliyində olan tibb müəssələrində 1636 tibb bacısı,  794 həkim işləyir. Həkimlərdən biri tibb elmlər doktoru, professor, 12 tibb elmləri namizədi işləyir. 2016-cı il ərzində 158 həkim, 233 orta tibb işçisi təkmilləşmə kurslarında olub.

Regionla tanışlıq  Yevlax rayon xəstəxanasında başa çatdı. Bu 175 çarpayılıq xəstəxana 2012-ci ildə istifadəyə verilib.

Baş həkim İlhami Quliyev bildirib ki, xəstəxanaya bu il 4000 xəstə müraciət edib.

“Bu xəstələrdən cəmi 94-ü Bakı və digər bölgələrə göndərilib, o da əksəriyyəti onkoloji və vərəm olan xəstələrdi”, Quliyev bildirib.

Baş  həkim  ana ölümləri barədə də  jurnalistlərə  açıqlama verib.

“Bizdə 7 ilə yaxındır ki, ana ölümləri yoxdur. Qadın məsləhətxanasının fəaliyyətinə güc vermişik. 3 aydan bir kənd və şəhər mərkəzində hamilə qadınlarla görüş keçirilir. Bu səbəbdən də ana ölümlərinin qarşısı alınır. Son 6 ayda qeysəriyyə əməliyyatları etməyə başlamışıq. Əvvəl bizdə cərrah yox idi. İndi isə yüksək ixtisaslı həkim var”, baş həkim  qeyd edib.

Jurnlistlərə bildirildi ki, Yevlax rayon xəstəxanasında ən çox  onkoloji xəstələr və ürək-damar sistemindəki problemlərlə bağlı müraciət olunur.

Xəstəxanada çalışan  kadrlara gəldikdə isə  baş həkim  bəzi sahələrdə  kardlara  ehtiyac olduğunu deyib.

“Hazırda xəstəxanada 218 nəfər həkim, 564 tibb işçiləri işləyir. “deyə baş  həkim əlavə edib.

Göygöl, Gəncə və Yevlax rayonlarına  Səhiyyə Nazirliyi Nazirliyi tərəfindən jurnalistlər üçün  hazırladığı beşinci  press-tur olmuşdur.  Bundan öncəki press-turlar Qarabağ, şimal-qərb, aran  və dağ ətəyi zonalarda olub.