Koronavirusa yoluxmuş 9 yeni xəstə var, fövqəladə vəziyyət elan edilməyib

“Şəhərə gəzməyə çıxdım, sıxlıq deyil, amma çaxnaşma yoxdur. İnsanlar təkbaşına və ya öz itləri ilə gəzirlər, kafelərdə şirniyyat ilə kofe içirlər, kimsə alış-veriş edir. Bəzi mağazaların girişində əlləri spirtlə dezinfeksiya etməyi təklif edirlər. 50/50 maska taxılır. Ümumiyyətlə, sakitlikdir. Əlbəttə ki, bayram atmosferi hiss olunmur, ancaq təmiz havada rahat nəfəs almaq və yaxşı havadan ləzzət almaq olur. Hər şey yaxşı olacaq, həyat gözəldir!, - CBC telekanalında siyasi proqramın aparıcısı Anastasiya Lavrina sosial şəbəkədə yazır.

Bu gün ailəmlə Novxanıdakı “Araz” supermarketində alış-veriş etdik. Həmişə olduğu kimi, mal çoxdur, alıcı azdır. Kütləvi ərzaq və tualet kağızı alan yoxdur, girişdə bir işçi əlimə yuyucu maye püskürtdü, mağazada içində həmin mayedən olan damlatıcılar asılıb. Mağazaya gələnlərin az bir hissəsi maskada idi, bütün satıcılar necə gəldi maska və rezin əlcək taxmışdılar.

Dünən Azərbaycan Səhiyyə Nazirliyi koronavirusla bağlı yeni halların olmadığını bildirib. Ümid vardı ki, bu yaxınlarda Avropadan gələn on xəstə aşkar edildikdən sonra yeni hallar olmayacaq və bu da Azərbaycanda epidemiyanın səngiməsi demək olardı. Lakin bu gün Səhiyyə Nazirliyi 9 yeni xəstənin olduğunu bildirib. Deməli, ölkədə qapalı xəstəxanalarda 42 yoluxmuş xəstə var.

“Hazırda Azərbaycanda bütün dünyanı narahat edən koronavirusla bağlı pandemik vəziyyət müşahidə olunmur”, - Azərbaycan Milli Elmlər Akademiyasının (AMEA) vitse-prezidenti İradə Hüseynova deyib (Report). Bəlkə tələsib. Hər halda, başqaları ilə müqayisədə vəziyyətimiz çox da qorxulu deyil.

 Bu gün Gürcüstanda fövqəladə vəziyyət tətbiq edilib. Martın 21-nə olan vəziyyətə görə, Gürcüstanda 47 vətəndaşın koronavirusa (COVID-19) yoluxması təsdiqlənib. 1966 vətəndaş 14 günlük məcburi karantində, 259 nəfər tibb müəssisələrində həkimlərin nəzarəti altındadır.

3 mln. əhalisi olan Ermənistanda 160 koronavirus xəstəsi var.

Son məlumatlara görə, Rusiyada 253 nəfər koronavirusa yoluxub.

Şənbə günü səhərə olan məlumata görə, dünyanın 175 ölkəsində yeni COVID-19 koronavirus xəstələrinin ümumi sayı 275 min nəfərdən çoxdur, pandemiyadan 11400 nəfərdən çox adam ölüb. Son sutkalarda dünyanın daha altı ölkəsində koronavirusla bağlı ilk hallar baş verib, əsasən Sinqapur və Zimbabvedən bildirirlər.

Azərbaycanda koronavirusla mübarizədə Cinayət Məcəlləsi sərtləşdirilib. Məcəllənin 211-ci maddəsinə edilən düzəlişə əsasən rejimin pozulmasına görə fiziki şəxslər 100-200 manat, vəzifəli şəxslər 1500-2000 manat, inzibati xətanı törədənin şəxsiyyəti nəzərə alınmaqla bir  ayadək inzibati həbs tətbiq edilə bilər, hüquqi şəxslər  2000 manatdan 5000 manata qədər cərimə oluna bilər.

Xəstələrin böyük əksəriyyəti Avropa və Asiyadan gəliblər. Yəni, nəzəri cəhətdən bütün “əcnəbilər” Azərbaycana qayıtdıqda əgər hamısı mütləq karantinə alınsa, ölkəyə virus girməyəcək. Karantində olanlar sağalsa və ya sağlam olduqları məlum olarsa, yeni  “idxallar” olmayacaq və deməli, aprel ayında əyri xətt aşağı enəcək,  may ayında isə sıfır koronavirus gösrəricisi olacaq. Proqnoz real görünür, lakin dövlət rejimi daha da sərtləşdirməli, xüsusi ehtiyac olmadıqda evdən çıxmağa qadağa qoymalıdır, hazırda Avropada olduğu kimi. A. Lavrinanın Bakıda gördüyü kimi, sakit gəzinti atmosferi, məncə, yolverilməzdir.

Resursları düzgün bölüşdürmək vacibdir. Prezident İ.Əliyev koronavirusla mübarizə  və pandemiya ilə bağlı xərclər üçün 1 mlrd. manat (600 mln. dollar) ayırıb. Pulun necə xərclənəcəyi hələlik məlum deyil, buna hökumət qərar verəcək.

Müstəqil iqtisadçı Qubad İbadoğlu təkliflər paketi ilə çıxış edib: pandemiya səbəbindən əməkhaqqı itkisinə görə vətəndaşlara kompensasiya verilsin, bank borclarının ödənilməsi dayandırılsın, sosial ödənişlər artırılsın, dərmanlar və yeyinti məhsulları vergidən və ƏDV-dən azad edilsin ki, qiymətlər artmasın və s. Paket Fransada və digər Avropa ölkələrində tədbirlərlə əlaqədar məlumdur. Azərbaycanın özəlliyi ayrıdır - oğurlayırlar, buna görə də xəstələnmiş ölkənin milyardın hamısını almayacağı gözləniləndir, qalanı isə səmərəsiz xərclənə bilər. Nəticə etibarilə spesifik Azərbaycan şəraitində bir milyard vəsait ayırmaq kifayət etmir, pulun xərclənməsinə obyektiv, müstəqil, ictimai nəzarət də yaratmaq lazımdır ki, Azərbaycanda sel və torpaq sürüşməsinin nəticələrinin aradan qaldırılması üçün büdcə ayırmalarında olduğu  kimi durum yaranmasın.