Bakı/14.03.18/Turan: 70-ci illərdə tanınmış sovet müğənnisi Lyudmila Zıkinaya ən bahali hədiyyəni Azərbaycan prezidenti Heydər Əliyev bağışlayıb. Bu, ağ və sarı qızıl ilə işlənmiş 127 ədəd brilyantdan ibarət boyunbağı olub. Qiyməti 400 min dollar olub. Bu barədə "Komsomolskaya pravda" qəzeti müğənninin zinət əşyaları kolleksiyasının siyahısını dərc edərkən bildirib.
2009-cu ildə 80 yaşlı müğənninin ölümündən sonra onun kolleksiyası varisləri - üç qohumu və kolleksiyanı özünə götürmüş köməkçisi Tatyana Svinkova arasında nifaq salıb. Sonradan polis onu geri alıb və saxlamaq üçün L.Zıkinanın qohumu Sergey Zıkinə verib.
Ancaq 2012-ci ildə S.Zıkin daş-qaşı hərraca çıxarıb. Müğənninin gizli pərəstişkarı bu kolleksiyanı 32 mln. dollara alıb.
Lakin qohumların şikayəti əsasında hərracın nəticələri ləğv edilib və zinət əşyaları yenidən S.Zıkinə qaytarılıb. Ancaq sonradan S.Zikın yoxa çıxıb. L.Zıkinanın brilyantları üzrə cinayət işi çoxdan bağlanıb. Lakin qəzetin xahişilə zərgər Aleksandr Xomov hərraca çıxarılan zinət əşyalarının bəzisini qiymətləndirib. Onların arasında 7 nömrəli zinət əşyası H.Əliyevin hədiyyə etdiyi boyunbağıdır.
Məlumdur ki, L.Zıkina dəfələrlə Azərbaycanda olub. O zamanlar H.Əliyev Azərbaycan KP MK-ya rəhbərlik edib. Hədiyyənin L.Zıkinaya nə vaxt verildiyi açıqlanmır. Ancaq bu 1993-2003-cu illərdə ola bilər. -02D-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz