Media-icmal 16.05.2016

Azərbaycanın nəqliyyat dəhlizi ölkəsinə dönməsi, “Eurovision” yarışmasında Azərbaycanın Rusiyaya 12 xal verməsi, Vyana danışıqlarından gözləntilər bugünkü medianın aparıcı mövzusudur

Nəqliyyat dəhlizləri məkanı –Azərbaycan

“Azərbaycan” qəzeti Azərbaycanın nəqliyyat dəhlizi ölkəsinə dönməsinə dair məqalə dərc edib. “Beynəlxalq nəqliyyat dəhlizi ölkəsi kimi də Azərbaycanın əhəmiyyəti artır” sərlövhəli məqalədə Azərbaycanın bu sahədə rolunun artması vurğulanır: “Asiya ilə Avropa arasında məsafə nə qədər uzaq olsa da bir-birilə sıx iqtisadi-ticari əlaqələrlə bağlıdır və Azərbaycan bundan bacarıqla faydalanır”.

Daha sonra məqalədə tarixi İpək Yolunun bərpası həm Azərbaycan, həm də Asiya və Avropa üçün əhəmiyyətli layihə kimi dəyərləndirilir. Məqalədə həmçinin Cənub- Şimal nəqliyyat dəhlizinin fəaliyyətə başlayacağı da nəzərə çatdırılır və bu sahədə Azərbaycanın xüsusi rolunun olması qeyd edilir.

Müəllif  Şərq-Qərb və Cənib-Şimalı nəqliyyat dəhlizlərinin Azərbaycanın Xəzər dənizi vasitəsilə nəqliyyatın inkişafına təkan verəcəyi deyilir.

Müəllif  bütün by marşrutların Azərbaycan üçün faydası haqda belə yazır: “Beləliklə, Beynəlxalq Transxəzər Nəqliyyat Marşrutu özünün fəallıq dövrünə qədəm qoyub. Bu istiqamətdə yüklərin daşınması Bakı-Tbilisi-Qars dəmiryolu xətti fəaliyyət başlayandan sonra genişlənərək özünün yüksək zirvəsinə çatacaq. Bu dəhliz Şərqdən Avropaya kimi yüklərin qısa və təhlükəsiz daşınmasında ən təhlükəsiz marşrutdur”. 

Qürursuzluq

“Azadlıq” qəzeti “Eurovizion” yarışmasında Azərbaycanın ən yüksək 12 xalı Rusiya təmsilçisinə verməsini ciddi tənqid edən məqalə dərc edib. Məqalədə Ukrayna təmsilçisi Cəmalənin qələbəsi ədalətli sayılır və ardınca da müəllif belə bir paralel aparır: “Amma bu yarışma təkcə Cəmalənin qalibiyyəti ilə deyil, Azərbaycan hökumətinin növbəti cəsarətsizliyi ilə də yadda qaldı. Belə ki, Ermənistan Rusiya təmsilçisinə 2 xal verdiyi halda, Azərbaycan Rusiya təmsilçisinə 12 xal verdi. Eyni zamanda Rusiya Ermənistan təmsilçisinə 12 xal verdiyi halda, Azərbaycan təmsilçisinə 10 xal verdi”.

Müəllif bu münasibətləri belə dəyərləndirir: “Bu yarışma siyasiləşib və verilən xallar da buna xidmət edir. Amma Azərbaycan hökuməti hətta şou səhnəsində də adekvat addım ata bilmədi. Rusiyaya verilən 12 xal qeyri-

müstəqilliyin, cəsarətin olmamasının göstəricisi idi. Guya, Azərbaycan Rusiyaya, məsələn, 5 xal versəydi Rusiya bizə müharibə elan edəcəkdi? Rusiyanın quberniyası hesab etdiyimiz Ermənistan bu ölkəni 2 xala layiq görürsə, biz niyə bu ölkəyə ən yüksək xalı veririk?”.

Müəllif bunu hakimiyyətin qürursuzluğu kimi dəyərləndirir: ““Lazım”, “Eurovision” yarışmasında da özünü göstərə bilmirsə döyüş cəbhəsinə necə gələ bilər? 12 xalını Rusiyadan azad edə bilməyən hökumət, 20 faiz torpağı hansı cəsarətlə azad etmək istəyir? Ümumiyyətlə, hökumət nəyin qarşılığında Rusiyaya bu qədər sədaqət nümayiş etdirir?”. Müəllifə görə, bu durumda Rusiyanın

quberniyasına daha çox Azərbaycan oxşayır, nəinki Ermənistan.

Müəllif 12 balın Rusiyaya verilməsini nəticə olaraq belə rezüme edir: “Bir sözlə, prinsipsizliyin, qeyri-müstəqilliyin səsi İsveçdən də eşidildi. Azərbaycan

təmsilçisinin 17-ci yeri tutması yox, qətiyyətsizliyin 12 xalı bizi sarsıtdı”.

Şəhid qanlarının yaratdığı unikal fürsət -Vyana danışıqları

“Yeni Müsavat” qəzeti bu gün Vyanada gözlənilən Azərbaycan və Ermənitsan dövlət başçılarının görüşünü və onun mümkün nəticələrini araşdırır.

Məqalədə Qarabağ cəbhəsindəki mövcud situasiya ilə bağlı bu görüşün 3 özəlliyi olduğu vurğulanır; 4 günlük aprel döyüşlərindəın sonra ilk görüş olması, həmsədr dövlətlərin xairci siyarət idarələri başçılarının görüşə qatılmaları, Azərbaycan tərəfin aprel döyüşlərindən sonra üstünlük qazanan tərəf kimi görüşə qatılması.

Məqalədə Azərbaycan tərəfin danışıqlarda üstünlük qazana bilməsi üçün aşağıdakı variant vurğulanır: “4 günlük aprel döyüşlərindən sonra indi təşəbbüs, üstünlük bütünlüklə Azərbaycana məxsusdur. Onu gözdən qaçırmaq olmaz. Döyüş cəbhəsindəki kimi, bundan sonra danışıqlar müstəvisində də Bakı hücum taktikası izləməlidir. Artıq məğlub tərəf biz yox, ermənilərdir”.

Məqalədə hətta aprel döyüşlərindən sonra Ermənistanın dövlət başçısı Serj Sarkisyanın şərtlər irəli sürməsinə baxmayaraq, şərtləri nəzərə alınmadan danışıqlara oturması erməni tərəfin zəif olması ilə əlaqələndirilir və zəif tərəflə heç kəsin hesablaşmadığı vurğulanır.

Eyni zamanda müəlliflərə görə, Azərbaycan üstünlüyü saxlamalı və onu danışıqlarda real nəticəyə çevirməlidir: “Odur ki, Azərbaycan əlverişli şansı qaçırmamalı, Vyanadakı danışıqlarda siyasi atmosferi özü diqtə etməlidir. Belə olarsa vasitəçilərin də ayrı yolu qalmayacaq. İmkan vermək olmaz ki, həmsədr ölkələr, onların diplomatları erməni tərəfin yedəyində getsin”.

Bu məsələdə Rusiya faktoruna toxunulan məqalədə deyilir ki, məhz Rusiyanın xarci işlət naziri Sergey Lavrovun danışıqlar prosesinə qatılması məsələnin həllinə mane olmaq kimi dəyərləndirirlir.

Bütün bu fonda məqalədə əsas məqam belə vurğulanır: “Qarabağ məsələsində uğurlu diplomatik həmlə üçün Bakı unikal bir fürsət yiyəsidir. Vyana fürsəti. Belə bir fürsəti qaçırmağa haqqımız yox!”.