Media-icmal 30.06.2016

Beynəlxalq tədbirlərin layiqli ev sahibi

“Azərbaycan” qəzeti dövlət başçısı İlham Əliyevin fotosu fonunda  “Azərbaycan qlobal beynəlxalq tədbirlərin ən layiqli ev saibidir” (http://www.azerbaijan-news.az/index.php?mod=3&id=100244) sərlövhəli məqalə ilə çıxış edib.

Məqalədə ölkədə iqtisadi tərəqqilə yanaşı demokratik-hüquqi islahatların və vətəndaş cəmiyyəti quruculuğunun dönmədən davam etdirildiyi deyilir. Hər iki təmayülün prioritet xətt kimi nəzərdən keçirilməsinin Azərbaycanı qlobal əhəmiyətli tədbirlərin mərkəzinə çevirdiyi vurğulanır.  Müəllifin düşüncəsinə görə, beynəlxalq miqyaslı idman, siyasi, iqtisadi və humanitar xarakterli forumların təşkiliə ölkə sosial-iqtisadi tərəqqi, demokratikləşmə, liberal dəyərlər, tolerantlıq və multikulturalizm mərkəzinə çevrildiyini sübut edir. Müəllifə görə məhz aşağıdakı cəhətlər bu tədbirlərin Azərbaycanda keçirilməsinə imkan verir: “Ölkə siyasi sabitliyə, iqtisadi potensiala, müasir infrastruktura,  gözəl təbiətə, turizm imkanlarına malikidr. Dövlət başçısı İlham Əliyevin bəyan etdiyi kimi son 10 ildə inkişaf dinamikasına görə, Azərbaycanla müqayisə edilə biləcək ikinci dövlət yoxdur”.  

Məqalədə Azərbaycanda keçirilmiş “Evrovision” musiqi, I Avropa Oyunları, “Formula-1” idman yarışlarının keçirildiyi vurğulanır və yaxın illərdə də bir neçə yarışların təşkil olunacağı yada salınır.

Müəllif  bir sıra Avropa ölkələrində ksenofobiya və islamofobiya meyilləri olduğunu deyərək bu mənada Azərbaycanda milli və etnik tolerantlıdan nümunə götürülməyə çağırılır.  

C.Soros: Qərbin böyük səhvi

“Azadlıq” qəzetinin dərc etdiyi “Corc Soros İlham Əliyevi diktator adlandırdı” sərlövəli məqalədə (http://www.azadliq.info/144030.html) ABŞ milyonçusu Corc Sorosun keçmiş sovet ölkələri və o cümlədən, Azərbaycanla bağlı fikirləri yer alır.

C.Soros Qərbin rəsmi Bakı ilə yumşaq davranmasına təəssüf ifadə edir və deyir: “Azərbaycanda xoşaəlməz diktator rejimidir, bu ölkənin prezidentilə birbaşa danışmaq imkanım olub. O, Azərbaycanda repressiylara görə məduliyyət daşımadığını deyir”.

Daha sonra isə qeyd edir ki, onunla söhbətdə İ.Əliyev siyasi məbuslarıən nası ittihamalarla və hansı şəraitdə həbsdə yatdıqları haqda bilgisini nümayiş etdirib.  “Onun etdikləri riyakarlıqdır, bir çox çeyə görə cavabdehdir və repressiylardan istifadə edir. O, yeni potensial neft yataqlarını nümayiş etdirərək Qərbi razı salmağa çalışır. Düşünürəm ki, Qərb onu dəstəkləməklə böyük səhvə yol verir”. C.Soros belə düşünür.

Bazarda saxta manat olmasa da dollar, avro var

“Exo” qəzeti “Saxta pul kəsənlə fəallaşır?” (http://www.echo.az/article.php?aid=102650)  sərlövhəli məqalədə ekspertlərlə saxta pul kəsilməsi və bunun səbəblərini araşdırmağa cəhd edilir.

Ekspert Oktay Haqverdiyev saxta pul kəsənlərin artıq saxta manat hazırlamadıqlarını deyir və onun fikirncə, buna əsas səbəb iki devalvasiyadan sonra manatın dəyərdən düşməsidir. “İndi saxta pul kəsənlər dollar, funt, avro kimi sabit valyutların kəsilməsinə diqqət yetirirlər”. O.Haqverdiyev belə deyir.

Məqalədə bu yaxınlarda Rusiyadan Azərbaycana 1,5 milyon dollar həcmində saxta pul gətirmək istəyn şəxsin saxlandığı xatırladılır.

Məqalədə deyilir ki, çox zaman vətəndaşlar sata dollar verilməsindən ehtiyatlanırlar, bu yoxlanılır, əksər hallarda bu qorxu özünü doğrultmasa da bəzi hallarda fakt yerini tapır.  Ekspertlər deyirlər ki, 90-cı illərdə bu tip cinayətlər daha populyar olub, amma indi azalıb, amma bu arxayıblığa əsas vermir.

Ekspertlər bu gün Azərbaycanda xarici valyuta almağa ehtiyac olduğunu xüsusi vurğulayaraq bu faktın ölkəni saxta pul kəsənlər üçün  “maraqlı” etdiyini  deyirlər. Bununla bağlı hüquqşünas Elman Osmanov deyir: “Bu fonda Azərbaycanda sata dvalyuta hazırlanması və saxta pul çoxluğu artacaq. Bu gün bazarda hələ də saxta valyuta var və cinayətkarları üzə çıxarmaq o qədər də sasan deyil, onlar izləri tez silirlər.Vətəndaşların təhlükəsizliyi baxımından hökumət əhaliyə ehtiyatlı olması müraciəti etməlidir”.

Ehtiyatlar azalır, çıxış yolu isə...

“Novoye Vremya” qəzeti “Valyuta ehtiyatları göz önündə əriyir” (http://www.novoye-vremya.com/w62012/.../#.V3QN-RHr34g)  sərlövhəli məqalədə ölkənin valyuta ehtiyatlarının azalmasını və bunun səbəblərini araşdırır.  

Müəllif 2015-ci ilə Dövlət Neft Fondu və Milli Bankın strateji valyuta ehtiyatlarının 39 milyard dollara yaxın olduğunu bildirir. 2015-ci ildə, yəni, bir il ərzində bu ehtiyatların 12 milyard dollardan çox və ya 24% azaldığını bildirir.

Müəllif  Dövlət Neft Fondunun hesabatında bu azalmanın səbəbinin belə izah edildiyini bildirir: “Bu azalma neftin ucuzlaşmasının milli valyutanın kursuna mənfi təsirinin qarşısnı almaq üçün Mərkəzi Bankın çoxmilyardlıq müdaxilələrilə bağlıdır”.  Müəllif bildirir ki, bunun da nəticəsində Fondun valyuta ehtiyatı hesabat dövründə 9,5%  azalaraq 33 milyard dollara enib.

Bütün bunlardan isə müəllif aşağıdakı nəticəni çıxarır: “İndi aydındır ki, manatın “üzən kursu” yoxdur, bunun yaxşı, yoxsa pis olması ayrı məsələdir. Ölkə iqtisadiyyatı, bank, maliyyə sistemi neftin qiymətinə o qədər bağlı olub ki, istənilən əyinti manatın kursuna məhvedici təsir edib”.

Müəllifin fikrincə, indi ölkəınin valyuta ehtiyatlarının azalmasının qarşısnı almaq birinci dərəcəli məsələdir. Eyni zamanda müəllif  dərin iqtisadi islahatlara başlanılmasını vacib sayır və aşağıdakıları təklif edir: “Bunun üçün yüksək dəyərli neft qiymətini unutmaq və iqtiasadi islahatlara başlamaq lazımdır. Ölkənin maliyyə tənzimləyicisinin səmərəsiz fəaliyyəti də Mərkəzi Bankın valyuta ehtiyatlarının qorunması üçün kreativ ideyaların olmamasının nəticəsidir”.

Müəllifin fikrincə isə bu düşüncə və ümumiyyətlə bu kadr tərkibilə iqtisadiyyatın tezliklə islah edilməsi mümkün görünmür.

Çimərlik “alternativsizliyi”

“Bizim Yol” qəzeti “Kasıblar qadağan olunan çimərliklərə üz tururlar” (http://www.bizimyol.info/news/80536.html) sərlövhəli məqalədə əhalinin kasıb təbəqəsinin dənizin qadağan olunmuç zonalarında cimməsini araşdırır.

İyunun 6-dən etibarən Xəzər çimərlikləri dəniz sevənlər üşün açılıb, amma çiməriklərin “özəlləşdirilməsi” dənizin ekoloji durumu istirahət üçün çimərliklərə gedənlərin seçimini daraldıb. Odur ki, şəhərə ən yaxın olan Şıx çimərıiyinə gələnlərin sayı çoxdur. “ Çünki pulsuz çimərlik yalnız buradır. Bu da Şıx çimərliyinin sahil zolağının kiçik bir hissəsinə aiddir. Ona görə ki, qalan hissədə xüsusi xidmət sahələri-otellər, yeməkxanalar, istirahət mərkəzləri yaradılır ki, onların ərazisinə daxil olmaq ödənişlidir. Dənizin sahilləri işbazlar tərəfindən zəbt edilib, paytaxt sakinləri şikayətlənir, amma eşidən yoxdur”.  Müəllif hətta bu sahələrin çimmək üçün yararlı olmadığını göstərən “çimmək qadağandır” elanı vurulmasına baxmayaraq əhalinin yenə də bura gəldyini bildirir və səbəbə də budur ki, bura pulsizdir.

Müəllif Bakı sakininə istinadən yazır: “Ddəniz sahilinin zəbt olunması insanların əsəbini dara çəkir. Hamımız bilirik ki, burda çimmək olmaz, insan sağlamlığına zərərlidir. Amma sahilin təmiz əraziləri zəbt olunub, otel-restoran tikilib. Camaatın hamısının pulluya getməyə imkanı yoxdur axı. Mənim kimi təqaüdçü, əlbəttə, pulsuz yerə getməyə məcburdur. Diqqət edin, yüzlərlə adamın gəldiyi bu çimərliyə bir zibil qabı qoyublar. Tualet isə ümumiyyətlə yoxdur”