Avqustun 19-da 6 saylı Cəzaçəkmə Müəssisəsində saxlanılan Qarabağ müharibəsi əlili, AXCP Rəyasət Heyətinin üzvü Asif Yusiflinin işi üzrə məhkəmə keçirilib.
Bakının Nizami rayon Məhkəməsinin hakimi Mətanət Hacıyevanın sədrliyi ilə keçən prosesdə Cinayət Məcəlləsinin 178-ci maddəsində edilən dəyişikliyə görə Asif Yusiflinin cəzasının dəyişdirilməsi məsələsinə baxılıb.
Asif Yusifli 2014-cü il noyabrın 25-də fırıldaqçılıq (178-ci maddə) və sənədlərin saxtalaşdırılması (320-ci maddə) ittihamı ilə saxlanılıb. İş üzrə zərərçəkmiş Fəridə Zülfüqarova Təhsil Nazirliyinin əməkdaşı Rafiq Hüseynova verməsi üçün Yusifliyə 6500 manat verib.
Sonuncu bu pul müqabilində Zülfüqarovanın oğlunun Ukraynada ali məktəbdə təhsilini təşkil etməyi vəd edib. Lakin sövdələşmə pozulub və Hüseynov pulu qadına qaytarmayıb.
Məhkəmə prosesi zamanı o etiraf edib ki, pulu alıb və Yusiflinin burada təqsiri yoxdur. Zülfüqarova da ziyanın ona ödənilməsi ilə əlaqədar şikayətdən imtina edib. Lakin 30 iyul 2015-ci il tarixində məhkəmə Yusiflini fırıldaqçılıqda və sənədləri saxtalaşdırmaqda təqsirli bilib və 7,5 il müddətinə azadlıqdan məhrumetmə cəzasına məhkum edib. Sonradan apellyasiya məhkəməsi bu hökmü qüvvədə saxlayıb.
Azərbaycan Ali Məhkəməsi 2015-ci il mayın 4-də Asif Yusiflinin kassasiya şikayətinə baxıb və cəza müddətini 1,5 il azaldıb.
Asif Yusifli ittihamı qəbul etmir və siyasi sifariş hesab edir.
Xatırladaq ki, Ali Məhkəmənin 2015-ci il 11 iyun tarixli plenumunun qərarına görə, Cinayət Məcəlləsinin 178-ci və digər maddələrinin tövsifi dəyişdirilib.
Vəkil Fəxrəddin Mehdiyevin bildirdiyinə görə, bu gün məhkəmə Yusifli barəsindəki maddənin tövsifini 178.3.2-dən 178.2-yə dəyişdirib. Lakin həbs müddəti dəyişdirilməyib, 6 il olaraq saxlanılıb. Yeni maddənin sanksiyasında 5 min manata qədər cərimə və 3 ildən 7 ilədək həbs nəzərdə tutulur.
Vəkil bildirib ki, Asif Yusiflinin şəxsiyyəti nəzərə alınmaqla, ən azından onun cəzası azaldıla bilərdi. Lakin hakim bunu nəzərə almayıb. Qərardan yaxın günlərdə apellyasiya şikayəti veriləcək. -03D-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz