Bakı/20.06.18/Turan: "Nardaran hadisəsi zamanı yaralanaraq hərəkət qabiliyyətini itirən, hazırda məhkəmə prosesi davam edən Nardaran sakini Əbülfəz Bünyatovun vəziyyəti ağırdır. Yataq xəstəsi olan Əbülfəz Bünyatovun daimi diqqət və qayğıya ehtiyacı var".
Nardaran olaylarına görə, həbs edilən şəxslərin yaxınlarının birinci vitse-prezident Mehriban Əliyevaya müraciətində belə yazılır.
Müraciətdə bildirilir ki, Ə.Bünyatov ən minimum ehtiyaclarını belə ödəyə bilmir.
"Onunla bir yerdə qalan ailə üzvləri - yaşlı anası, yoldaşı və dörd kiçik yaşlı övladı isə ona lazimi diqqət və qayğını göstərə bilmirlər. Əbülfəz Bünyatovun həkim nəzarətinə, müayinə və müalicə almağa ehtiyacı var. Evinin qarşısında keşik çəkən polislər onun yanına heç kimi, ən yaxınlarını, hətta həkimini belə buraxmırlar. Aidiyyatı orqanlara edilən bütün müraciətlər isə cavabsız qalıb, problem həllini tapmayıb. Bu, bir insana, özü də Azərbaycan vətəndaşı və ağır vəziyyətdə olan bir insana qarşı edilən ən böyük haqsızlıq və zülmdür".
Müraciət müəllifləri qeyd edb ki, iflic, yataq xəstəsi olan, hərəkət qabiliyyətini itirmiş bir insanla bu cür davranılması insanlıq və dövlət adına ləkədir.
Əbülfəz Bünyatova həbs cəzası verilə biləcəyindən narahat olan nüəlliflər Mehriban Əliyevadan məsələyə müdaxilə etməsini, Ə.Bünyatova təzyiqlərin dayandırılması üçün yardımçı olmasını istəyiblər.
Müraciəti Nardaran olaylarında həbs edilənlərin ümumilkdə 21 yaxını imzalayıb.
Əbülfəz Bünyadov "Müsəlman Birliyi" Hərəkatının İdarə Heyətinin üzvüdür. O, polislərin ölümü, qanunsuz silah saxlama, dövlət çevrilişinə cəhd və başqa ağır maddələrlə suçlanır. O, özünü təqsirli bilmir və ittihamların saxta olduğunu deyir.
2015-ci il noyabrın 26-da DİN-in Baş Mütəşəkkil Cinayətkarlıqla Mübarizə İdarəsi Bakının Nardaran qəsəbəsində əməliyyat keçirib.
Həmin əməliyyatda ikisi polis olmaqla, altı nəfər həlak olub.
Nardaranda və Sabunçu Rayon Polis İdarəsinin qarşısında baş verən hadisələrə görə 70-dən çox (hüquq müdafiəçilərinin siyahısında bu rəqəm 80-dən çox göstərilir) adam həbs olunub. Onların bir qisminə silah saxlama ittihamı ilə ilyarımdan 6 il 6 ayadək həbs cəzası kəsilib. 40 nəfərdən çox adama isə daha ağır maddələrlə (dövlət çevrilişinə cəhd, terrorçuluq, dini nifaq salma və s.) ittihamlar verilib.
Həbs olunanların işi üç qrupa ayrılıb. A.Hüseynov birinci qrupda "Müsəlman Birliyi" Hərəkatının sədri Taleh Bağırov və daha 16 nəfərlə birlikdə mühakimə olunub. Onlara 10 ildən 20 ilə qədər həbs cəzası verilib.
Əbülfəz Bünyatov Nardaranda keçirilən əməliyyat zamanı aldığı xəsarətdən hərəkət qabiliyyətini itirib. Onun məhkəməsi bir müddətdir başlayıb.
Nardaran olayları ilə bağlı həbs edilənlərin əksəriyyəti məhkəmələrində tutularkən və ilkin dindirilmədə ağır işgəncələrə məruz qaldıqlarını bildiriblər. Onlar verilən ittihamları qəbul etməyiblər.--0--
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz