Polis dindarların etiraz aksiyası keçirməsinə mane olub
Bakı/09.08.17/Turan: Bu gün polis bir qrup dindarın "Müsəlman Birliyi" Hərəkatının fəalı Abbas Hüseynovun Qobustan həbsxanasında işgəncələrə məruz qalmasına etiraz olaraq aksiya keçirməsinə mane olub.
Penitensiar Xidmətin qarşısında polis əməkdaşları və mülki geyimli şəxslər aksiya iştirakçılarını dağıdıb, jurnalistləri sıxışdırıblar.
A.Hüseynovun bacısı Yasəmən jurnalistlərə deyib ki, sonuncu dəfə doğmaları onunla telefonla iyulun 17-də danışıblar. İyulun 20-də Apellyasiya Məhkəməsinin iclasından sonra onunla heç bir əlaqə olmayıb. Doğmaları onun səhhətilə bağlı narahatdır.
Yasəmən bildirib ki, hələ ibtidai istintaq dövründə A.Hüseynov DİN Baş Mütəşəkkil Cinayətkarlığa Qarşı Mübarizə İdarəsində amansız işgəncələrə məruz qalıb. Onun başında şiş əmələ gəlib. "Görünür, bu, onlara az görünüb və Abbasa həbsdə də işgəncə verməyə davam edirlər", - o bildirib.
Ötən gün vəkil Yalçın İmanov bildirib ki, Qobustan həbsxanasında A.Hüseynovu karserə salaraq işgəncə veriblər.
Vəkilin sözlərinə görə, onu dəyənəklə döyüblər, həbsxananın həyətində dəmir dirəyə bağlayıblar və əllərini qandallayaraq 3 saat qızmar günəş altında saxlayıblar.
Abbas Hüseynov 2015-ci ilin noyabrında Nardaranda keçirilən xüsusi əməliyyat zamanı saxlanılıb.
2017-ci ilin yanvarında məhkəmə onu ağır cinayətlər törətmək ittihamları - konstitusiya quruluşunu dəyişdirməyə cəhd, terrorçuluq, qətl və s. ittihamlarla 20 il müddətinə azadlıqdan məhrum edib.-6-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz