“Demokratiya və İnsan Hüquqları Komitəsi” “Gənclərin milli-mənəvi və əxlaqi dəyərlər əsasında tərbiyə edilməsi” layihəsi çərçivəsində ikinci dinləmələr keçirib.
Dinləmələrdə milli-mənəvi dəyərlərin qorunması ümummilli məsələ kimi dəyərləndirilib. Milli-mənəvi dəyərlərin get-gedə sıradan çıxdığı iddia edilib və buna səbəb kimi gənclərin milli-mənəvi dəyərlərə sayğısız münasibəti göstərilib.
Digər tərəfdən, ölkə telekanallarında milli-mənəvi dəyərlərə dair verilişlərin davamlı olmaması nəzərə çatdırılıb. Milli-mənəvi dəyərlərin qorunması üçün dövlət proqramı səviyyəsində ideloji əsaslı xüsusi konsepsiya hazırlanması təklif edilib. Həm də bu konsepsiyanın tətbiqi müxanizmlərinin hazırlanması tövsiyyə edilib, əks halda bu konsepsiyanın yalnız söz olaraq kağız üzərində qalacağı narahatlığı ifadə olunub.
Dinləmələrdə vətəndaşları və xüsusən gəncləri zərərli dini təriqətlərdən qorumaq da az əhəmiyyətli məsələ sayılmayıb. Hazırda İraq və Suriyada bir qisim azərbaycanlı gəncin terrorçu qruplaşmaların tərkibində rəsmi dövlətlərə qarşı döyüşdüyü qeyd edilib. Bu gənclərin belə zərərli təriqətlərə meyl etməsi din barədə təsəvvürlərinin səhv olması ilə əlaqələndirilib. Bu səhv təsəvvürlərin aradan qaldırılması üçün orta məktəblərdə dinin əsaslarının tədris olunması çıxış yollarından biri kimi qeyd edilib. Digər tərəfdən, Quran ayərləninin təfsirində ümumislam mövqeyi baxmından vahid təfsir ortaya qoyulmasının zərurət olduğu vurğulanıb. Hazırda dini təhsilsizliklə bağlı islam dininin bir çox tələblərinin düzgün şərh edilmədiyi iddia olunub. Suriya və İraqda, Pakistan, Əfqanıstan və s. müsəlman dövlətlərində rəsmi hakimiyyətlərə qarşı vuruşanların özlərini “mücahid” adlandırmasının əsassız olduğu deyilib. Əslində bu silahlı qruplar din adı altında yüzlərlə günahsız insanları məhv etməklə Allahu-Təalanın “günahsız, məsum cana qıyma” əmrinə itaət etməmiş olurlar. Bu azmış kimi, ayrı-ayrı müsəlman ölkələrinin gəcnlərini öz sıralarına qatmaqla onları da cinayətlərinə şərik edirlər.
Bu durumdan çıxmaq üçün gənclərin din və dini əmrlər barədə təsəvvürlərinin düzgün şəkildə zənginləşdirilməsi vacib sayılıb. Dini maarifləndirmə olmadan din barədə səhv təsəvvürlərin aradan qaldırılmasının qeyri-mümkünlüyü də nəzərə çatdırılıb. -05C-
Cəmiyyət
-
Azercell “Həyatı daha dolğun edirik: Qadınlara Dəstək Proqramı” sosial layihə müsabiqəsi çərçivəsində layihənin qaliblərindən biri olan “Balans” İctimai Birliyi ilə bərabər Şəkidə qadın sahibkarlığını təşviq edən proqram həyata keçirib.
-
Yeni imzalanan "Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair 2025-2030-cu illər üçün Dövlət Proqramı" indidən müzakirələrə səbəb olub. Sənəddə dövlət orqanları, təhsil və tibb müəssisələrinin iş rejiminin dəyişkən qrafikə əsasən təşkili nəzərdə tutulub.
-
Leysan yağışları nəticəsində Lənkəran şəhərinin bəzi rayonlarını, o cümlədən Girdəni, Kosalar və Şiləvar kəndlərini su basıb, bu barədə Azərbaycan FHN məlumat yayıb.
-
Azərbaycanın Milli Hidrometeorologiya Xidməti fevralın 7-də Bakıda və Abşeron yarımadasında dəyişkən yağıntılar və güclü şimal-qərb küləyinin üstünlük təşkil edəcəyini proqnozlaşdırır.
Rəy yaz