YENİ YAY TURİZM MÖVSÜMÜ NƏ VƏD EDİR?

    Qarşıdan gələn yay turizm mövsümündə dincələnlərin sayı çox olacaq. Turan-a müsahibəsində Azərbaycanda turizmin inkişafı üzrə layihənin milli kooronatoru Faiq Qürbətov bildirib.
    Onun sözlərinə görə, sosioloji araşdırmalar göstərir ki, Azərbaycan sakinləri daha çox Nabran da daxil Quba-Xaçmaz zonasında istirahətə üstünlük verirlər. Qürbətov bunu regionun nisbətən inkişaf edən infrastrukturu ilə izah edir. `Məhz bu zonada o birilərdən əvvəl müasir standartlarla istirahət zonaları yaratmağa başladılar. Bundan başqa, şimal istiqamətində avtomobil yolunun əsaslı təmiri də bu zonanı cəlbedici edir`, - deyə Qürbətov bildirdi. Bununla birgə, istirahət mərkəzlərinin sayının artması rəqabəti artırıb və qiymətlərin düşməsinə səbəb olub.
    Ötən mövsümdə yüksək sinifli bir sıra obleyktlər 1 adamın bir gün qalmasının qiymətini 50 manata qədər endiriblər.
    Qürbətovun məlumatına görə, bir sıra iri obyektlərin sahibləri bu qiymətləri saxlamaq və yollayışın qiymətinə 3 dəfə yemək də əlavə etmək niyyətindədir.
    Quba-Xaçmaz zonasında istirahətin neçəyə başa gəlməsi barədə suala dəqiq cavab verməkdə Qürbətov çətinlik çəkdi, çünki qiymət istirahət şəraitindən asılı olaraq dəyişir. Qürbətov hesab edir ki, elit turizm obyektlərində 2 nəfərin bir həftəlik istirahəti 600-650 manat ola bilər.
    Bununla birgə, Qürbətov Antalyada istirahətin daha ucuz olması barədə deyilənləri düzgün saymır. Belə müqayisələrdə Türkiyədəki ən ucuz qiymətlə Azərbaycandakı ən baha qiyməti müüqayisə edirlər, deyə Qürbətov bildirdi.
    Bununla yanaşı, o, etiraf etdi ki, Azərbaycanda servis səviyyəsi o qədər də yüksək deyil. Amma bu istiqamətdə tədbirlər görülür və artıq bu sahənin otel və başqa obyektlərində 4 il əvvəl yaradılan Turizm İnstitutunun peşəkar kadrları işə qəbul edilir.
    Quba-Xaçmazın ardınca Abşeronun turizm zonaları da populyardır. Üçüncü yerdə xarici turizm gəlir. Azərbaycan sakinləri daha çox Antalya, Bodrum, Kəmər və b. kurortlara üstünlük verirlər. Yay mövsümündə ölkə sakinləri Qərbi Avropaya da üz tuturlar. Yayda istilərlə bağlı Dubay və Misirə gedənlər azalır.
    Bu yay mövsümünün yeniliyi Yunanıstanın Krit adasına turist uçuşları olacaq. Uçuşları `AZAL` həyata keçirəcək. Qrup toplamaqla 3 turoperator məşğul olacaq.
    Yeri gəkmişkən, aviadaşımalar bazarında rəqabətin güclənməsi və bu seqmentdə xidmət məhdudiyyəti hesabına (uçuş zamanı yemək verilməməsi, baqaja məhdudiyyət) ucuz qiymətlər təklif edən `büdcə` şirkətlərinin peyda olması ənənəvi aviadaşıyıcıların qiyməti ucuzlaşdırmasına səbəb olub.
    Qürbətov onu da vurğuladı ki, son illər müalicəvi turizm də populyarlaşır. Amma bu növ payız və yazda dəbdə olur. Sona vaxtlar bu sahədə Truskavets dəbdədir.
    Yay mövsümü Azərbaycanda başqa bir turist axını istiqaməti şimal-qərb - Şəki-Zaqatala-Oğuz-Qəbələ zonası olacaq. Bu zonada da turizm infrastrukturu son illər inkişaf edir. Cəmi Azərbaycanda 481 otel qeydə alınıb, 56-sı isə tikilir.
    Cənub zonasında da bir çox müasir turist obyektləri tikilib. Qürbətov hesab edir ki, bu yaxınlarda təsdiqlənən `2010-2014-cü illərdə Azərbaycan Respublikasında turizmin inkişafı Dövlət Proqramı` ölkədə istirahət sənayesinin inkişafına impuls verəcək. Proqram bu sahəyə yerli və xarici investisiyaların cəlb edilməsini, orada kiçik və orta biznesin inkişafına yardımı təşviq edir, mehmanxana obyektlərinin sayca artımını və rəqabət nəticəsində qiymətlərin ucuzlaşmasını nəzərdə tutur.