![Azərbaycan-Ermənistan danışıqlarını Rusiya niyə pozmaq istəyir? – Rauf Mirqədirov Çətin sualda](https://turan.az/resized/media/2023/main/071700043007-750-500-resize.webp)
Azərbaycan-Ermənistan danışıqlarını Rusiya niyə pozmaq istəyir? – Rauf Mirqədirov Çətin sualda
Bakı/17.07.23/Turan: İyulun 15-də Brüsseldə Avropa İttifaqı Şurasının Prezidenti Şarl Mişel (Charles Michel), Azərbaycanın Prezidenti İlham Əliyev və Ermənistanın Baş naziri Nikol Paşinyan arasında görüş keçirilib. Bu, tərəflər arasında sayca altıncı görüşdür.
Görüş barədə açıqlama verən Şarl Mişel deyib ki, o iki ölkə liderinə növbəti iki görüşün yaydan sonra keçirilməsi ilə bağlı istəyini bildirib. Görüşün birinin Brüsseldə, digərinin isə Fransa və Almaniya liderlərinin iştirakı ilə Qranadada keçirilməsinin mümkünlüyünü deyib.
Şari Mişel deyib ki, üçtərəfli görüşdən sonra 6 məsələ ilə bağlı müzakirələr aparılıb: Suverenlik və ərazi bütövlüyü; Sərhədlərin delimitasiyası; Nəqliyyat dəhlizləri; Humanitar ləvazimatlar; Hüquqlar və Təhlükəsizlik; Məhbuslar.
Brüsseldə Azərbaycan və Ermənistan liderləri İlham Əliyev və Nikol Paşinyanın Avropa İttifaqı Şurasının Prezidenti Şarl Mişelin (Charles Michel) vasitəçiliyi ilə görüşü keçirildiyi bir zamanda Rusiya XİN bəyanatla çıxış etdi. Bəyanatda qeyd edilir ki, Ermənistanın Dağlıq Qarabağı Azərbaycanın ərazisi kimi tanıması bölgədə Rusiya sülhməramlılarının yerləşdirilməsi şərtlərini kəskin olaraq dəyişdirib.
“Biz Ermənistan rəhbərliyinin suveren qərarına hörmətlə yanaşırıq, amma bu, Rusiya, Azərbaycan, Ermənistan rəhbərlərinin 9 noyabr (10 noyabr – red.) 2020-ci il bəyanatının imzalandığı zaman baza şərtlərini, o cümlədən bölgədə Rusiya sülhməramlı kontingentinin yerləşdirilməsi şərtini kəskin olaraq dəyişib”, – bəyanatda deyilir.
Rusiyanın belə bir addımı Azərbaycan tərəfindən cavabsız qalmayıb və ölkənin Xarici İşlər Nazirliyi adıçəkilən bəyanatı şərh edib. Həmin şərhdə Rusiya XİN-in məlum bəyanatının anlaşılmazlıq və məyusluq doğurduğu qeyd edilib.
“Rusiya Federasiyası Xarici İşlər Nazirliyinin bu bəyanatı Azərbaycan Respublikası və Rusiya Federasiyası arasında Müttəfiqlik qarşılıqlı fəaliyyəti haqqında Bəyannamə və Rusiya Federasiyası Prezidenti Vladimir Putin tərəfindən Qarabağ bölgəsi daxil olmaqla Azərbaycanın ərazi bütövlüyü və suverenliyini dəstəkləyən çıxışları ilə uyğunsuzluq təşkil edir”, – şərhdə deyilir.
Azərbaycan XİN bəyan edib ki, Rusiya XİN-in Azərbaycan Respublikasının ərazi bütövlüyü və suverenliyinin 30 ilə yaxın müddətdə əraziləri işğal altında saxlayan Ermənistanın Baş nazirinin Qarabağı Azərbaycanın tərkib hissəsi olaraq tanıması faktı kontekstində şərh etməsi və şərtləndirməsi qəbuledilməzdir.
Keçirilən üçtərəfli görüşü və Rusiyanın məhz həmin görüş günü verdiyi bəyanatını siyasi şərhçi Rauf Mirqədirov Kamran Mahmudovun təqdimatında yayımlanan “Çətin sual” verilişində şərh edir.
-
- Cəmiyyət
- 17 İyul 2023 20:55
Çətin sual
-
Sentyabrın 1-nə təyin olunmuş növbədənkənar parlament seçkilərində iştirak etmək üçün imzatoplama kampaniyası hazırda davam edir. Hazırda mindən çox şəxsin namizəd olmaq üçün müraciət etdiyi bildirilir.
-
Son vaxtlar aqressiyanın artmasının səbəbi olaraq şok effekti yaradan kriminal xəbərləri tez-tez eşidirik.
-
İlin sonuna kimi məktəblərdə adambaşına maliyyələşmə sisteminə keçid planlaşdırılır. Elm və təhsil naziri Emin Əmrullayevin sözlərinə görə, bu, bir neçə məktəbdə pilot kimi həyata keçiriləcək: "Sınaq uğurlu olsa, inkişaf üçün cəbhə yaranacaq. Bununla da məktəb muxtariyyəti və müəllimlər tərəfindən idarə olunması üçün yaxşı zəmin yaranacaq".
-
Ermənistanın baş naziri Nikol Paşinyan Böyük Britaniyada Azərbaycan prezidenti İlham Əliyevlə görüşdən imtina edib. Bunu Azərbaycan prezidentinin köməkçisi - Prezident Administrasiyasının xarici siyasət məsələləri şöbəsinin müdiri Hikmət Hacıyev "Report"a bildirib.
Rəy yaz