Ekspert: “Əsas məsələ vətəndaşın etimadını qazanmaqdır”
Bakı/02.04.21/Turan: Uzun müddət haqqında danışılsa da icbari tibbi sığortanın Azərbaycanda yalnız 2021-ci il aprelin 1-dən bütün ölkəboyu tətbiq olunması səhiyyə sistemindəki problemlərlə bağlıdır. Bu barədə iqtisadçı-ekspert Azər Mehtiyev Turan-ın “Çətin Sual” proqramının 2021-ci il aprelin 1-də “İcbari tibbi sığorta xəstəyə dərman ola biləcəkmi?” mövzusuna dair buraxılışında bildirib.
O vurğulayıb ki, uzun müddət bu barədə danışıldı, 2016-cı ildən buna hazırlıqlar başlandı, bəzi bölgələrdə ilkin tətbiqlər oldu. Onun deməsinə görə, tibbi sığortanın bütün ölkə boyu tətbiqinə 2019-cu ildə keçiriləcəyi deyildi, daha sonra bunun 2020-ci ildə baş tutacağı söyləndi, amma bu hadisə ancaq 2021-ci il aprelin 1-də baş tutdu.
Ekspert deyir ki, bu sistemin etimad qazana bilməsi onun əhaliyə hansı səviyyədə tibbi xidmət göstərməsindən asılıdır, digər tərəfdən isə burada pasientlərin hüquqlarının qorunması kimi məsələ var: “İndi belədir ki, xəstə həkimin qəbuluna gedir, həkim müayinələr yazır, pasient bunun nə dərəcədə lazımlı olduğunu bilmir. Dərmanlar yazır, yenə də xəstə bunun nə dərəcədə laızmlığını bilmir.Amma tibbi slğorta tətbiq olunduqda müalicə effekt vermədikdə həkim sorğulana bilir, yalnz müalicə özünü doğrultduqda ödəniş edilir.
Azər Mehtiyev hesab edir ki, burada bəzi idarələrin toqquşan maraqları da var, odur ki, bu sahə üzrə idarəçilikdə tibb siyasəti, tibbi sığorta haqqını ödəmə, müalicənin keyfiyyətinə nəzarət fərqli qurumlarda olmalıdır.
İcbari tibbi sığorta sisteminin korrupsiyanın, rüşvətin qarşısını ala bilməsinin mümkünlüyünə gəlincə, Azər Mehtiyev hesab edir ki, bu, mümkündür, amma bunun üçün ictimai nəzarət sistemi qurulmalıdır: “Bu, medianın, vətəndaş cəmiyyəti institutlarının iştirakı ola bilər, amma indiki halda belə nəzarətin təşkilinə maraq göstərilməsi inandırıcı görünmür”.
Onun fikrincə, bu sistemin fəaliyyətini dəyərləndirə bilmək üçün ilk növbədə düzgün qiymətləndirmə sistemi qurulmalıdır. Eyni zamanda ekspert sovet dönəmindən qalma xəstəxanalardan elə yüksək nəticələr gözləmədəyini söyləyir: “Əsas məsələ bu sistemin vətəndaş etimadını qazanmasıdır, bu isə asan məsələ deyil. Azərbaycanda isə daha mürəkkəb məsələdir”, - Azər Mehtiyev bildirib.-05B-
-
- Cəmiyyət
- 2 Aprel 2021 11:11
Çətin sual
-
ABŞ və Aİ-nin terrorçu saydığı HƏMAS Fələstin ekstremist qruplaşmasının siyasi lideri İsmayıl Haniyə Tehranda İsrail hücumu nəticəsində qətlə yetirilib. Məlumatı İranın İslam İnqilab Keşikçiləri Korpusu (İİKK) iyulun 31-də səhər yayıb.
-
İsmayıl Xaniyənin məhvi İsrailə qarşı böyük müharibənin başlaması deməkdirmi? - Arkadi Dubnov Çətin sualda
-
Sentyabrın 1-də keçiriləcək növbədənkənar parlament seçkilərində partiya sədrlərindən – Müsavat başqanı İsa Qəmbər, Vətəndaş Həmrəyliyi Partiyasının sədri, VI çağırış Milli Məclisin üzvü Sabir Rüstəmxanlı, Ədalət partiyasının sədri İlyas İsmayılov və Ümid partiyasının sədri İqbal Ağazadə seçkidə iştirak etməyəcəklərini açıqlayıblar.
-
Azərbaycan amilinin İranda güclənməsi nəyə gətirib çıxaracaq? - Stanislav Tarasov Çətin sualda
Rəy yaz