![Fəal: Səlahiyyətlilər Sosial şəbəkələrdəki müzakirələrə lazımınca reaksiya vermirlər](https://turan.az/resized/media/2019/main/041700018270-750-500-resize.webp)
Fəal: Səlahiyyətlilər Sosial şəbəkələrdəki müzakirələrə lazımınca reaksiya vermirlər
Bakı /18.04.19/Turan: Azərbaycan hakimiyyəti sosial şəbəkələrin gündəmindəki məsələlərə operativ reaksiya vermir. Bunu ictimai fəal Bəxtiyar Hacıyev "Çətin sual" proqramına müsahibəsində deyib.
Sosial şəbəkələr vahid məkan deyil. Orada müxtəlif seqmentlər var. Dini qruplara, siyasi baxışlara, yaş qruplarına görə, hətta bu göstəricilərə görə yox, sadəcə, sosial şəbəkələrin özləri arasında fərq var.
Facebook-da tamamilə başqa mövzular müzakirə olunur, Twitterdə başqa mövzular. İnstagramda tamamilə başqa qruplar aktiv olurlar. Bu qrupların özləri arasında, yəni hər sosial şəbəkənin özündəki kiçik qrupda ünsiyyət kifayət qədər yaxşıdır. Elə sosial şəbəkənin yaranmasında məqsəd o idi ki, bənzər insanlar öz ətrafındakı insanlar arasında ünsiyyət qursunlar.
Ancaq müxtəlif seqmentlər arasındakı ünsiyyətin səviyyəsini qənaətbəxş saymaq olmaz. Bununla bağlı əlavə bir tədbir görülməlidir ki, həmin o seqmentlər bir-biri ilə daha çox ünsiyyətdə olsunlar. Təkcə Azərbaycanda yox, Azərbaycandan kənarda yaşayan azərbaycanlılarla və yaxud dünyadakı başqa insanlarla ünsiyyətə keçə bilsinlər.
Ekspertin fikrincə, bu yanlış təsəvvürdür ki, müəyyən insanlar qrupunda, o cümlədən siyasətçilər qrupunda müzakirələr bütün ictimai rəyin ifadəsidir.
Bununla yanaşı B.Hacıyevin fikrincə, son illər, əsasən bu ilin əvvəlindən sosial şəbəkələrdə gündəmə çevrilən, ən azı əhalinin ictimai aktiv təbəqəsinin gündəmə çevirdiyi məsələlər hökümət tərəfindən diqqətlə izlənilir, nəzarətə götürülür.
Əvvəllər hakimiyyət social şəbəkələrdəki tənqidi səsləri boğmağa, troll ordusunun vasitəsilə tənqidi neytrallaşdırmağa çalışırdı. Amma bu siyasət iflasa uğradı. Çünki həmin profillərin saxta olması çox açıq gözlə görünürdü. Bu qeyri-peşəkar şəkildə aparılması həmin siyasətin gülüş obyektinə çevrilməsi ilə nəticələndi.
Bəzən ayrı-ayrı mövzular sosial şəbəkələrdə partlayışa çevrilə bilər. Bloger Mehman Hüseynova qarşı yeni ittihamın irəli sürülməsi və məktəbli qız Elina Hacıyevanın intiharı ilə bağlı belə olmuşdu.
Belə vəziyyətlərdə hökümət problemin üstünü örtmək əvəzinə onu operativ həll edərək məsələni sosial şəbəkələrin gündəmindən çıxara bilər.
"Ancaq hələlik mən o adekvat reaksiyanı müşahidə eləmirəm", - B.Hacıyev qeyd edib. O hesab edir ki, hökumət informasiyanı idarə etməməli və ya ona nəzarət etməməlidir.
Sosial şəbəkələr birtərəfli informasiya məkan deyil. Tamaşaçılar televiziyaya baxarkən ona öz münasibətini bildirə bilmirsə, sosial şəbəkələr qarşılıqlı ünsiyyətin olduğu məkandır.
Hökumət müasir texnologiyalardan istifadə edərək insanları çox narahat edən məsələləri müəyyənləşdirə və onların aradan qaldırılması ilə bağlı tədbirlər görə bilər. Eyni zamanda hökumət fərql yanaşma sərgiləməlidir: ölkə rəhbəri, məmurlar daha çox şəxsi keyfiyyətlərini göstərməyə çalışmalıdırlar, göstərməlidirlər ki, onlar da digər sosial istifadəçiləri kimi sıradan insanlardır. Hələlik vətəndaşlarla məmurlar arasında sədd var. Hətta sosial şəbəkələrdə deputatlar və seçicilər arasında ünsiyyət imkanları məhdudlaşdırılıb.
"Belə olan halda insanlar daha çox narazılıq ifadə edirlər ki, bu da bəzən sosial şəbəkələrdə partlayışa gətirib çıxarır", - B.Hacıyev vurğulayıb.-03B-
-
- Böyük Şərq
- 18 Aprel 2019 10:43
-
- İqtisadiyyat
- 18 Aprel 2019 11:39
Çətin sual
-
Sentyabrın 1-nə təyin olunmuş növbədənkənar parlament seçkilərində iştirak etmək üçün imzatoplama kampaniyası hazırda davam edir. Hazırda mindən çox şəxsin namizəd olmaq üçün müraciət etdiyi bildirilir.
-
Son vaxtlar aqressiyanın artmasının səbəbi olaraq şok effekti yaradan kriminal xəbərləri tez-tez eşidirik.
-
İlin sonuna kimi məktəblərdə adambaşına maliyyələşmə sisteminə keçid planlaşdırılır. Elm və təhsil naziri Emin Əmrullayevin sözlərinə görə, bu, bir neçə məktəbdə pilot kimi həyata keçiriləcək: "Sınaq uğurlu olsa, inkişaf üçün cəbhə yaranacaq. Bununla da məktəb muxtariyyəti və müəllimlər tərəfindən idarə olunması üçün yaxşı zəmin yaranacaq".
-
Ermənistanın baş naziri Nikol Paşinyan Böyük Britaniyada Azərbaycan prezidenti İlham Əliyevlə görüşdən imtina edib. Bunu Azərbaycan prezidentinin köməkçisi - Prezident Administrasiyasının xarici siyasət məsələləri şöbəsinin müdiri Hikmət Hacıyev "Report"a bildirib.
Rəy yaz