![İnformasiya kanalları acınacaqlıdır - ekspert](https://turan.az/resized/media/2019/main/040900018021-750-500-resize.webp)
İnformasiya kanalları acınacaqlıdır - ekspert
Bakı/13.04.19/Turan: O yerlərdə ki informasiya üzərində nəzarət var, televiziyalar, radiolar, yəni, söhbət peşəkar KİV-dən gedir, o ölkələrdə, əlbəttə, sosial şəbəkələr, informasiya dağınıqlığı ciddi problemlər yaradır. Bu barədə Jurnalistikanın İnkişafına Yardım Fondunun rəhbəri Qulu Məhərrəmli Turan agentliyinin "Çətin sual" proqramına müsahibəsində deyib.
Onun sözlərinə görə, Azərbaycan cəmiyyətində hələlik ən böyük platforma sosial şəbəkələrdir. Artıq hökumət də sosial şəbəkələr vasitəsilə auditoriyaya təsir imkanı haqqında düşünür. Bundan ötrü müxtəlif texnologiyalar tətbiq olunur. Ancaq hələlik bunun çox böyük effekt verdiyini demək olmaz, Q.Məhərrəmli bildirib.
İndiki vəziyətdə həmin bu informasiya kanalları, həm də sosial şəbəkələr insanlarda daha çox depressiya halı yaradır. Sözün yaxşı mənasında tənzimlənmə yoxdur. Etik qaydalara riayət edilmir.
Bundan əlavə, sosial şəbəkələrə süni müdaxilə var. Manipulyasiyalar baş verir, fake informasiyalar yerləşdirilir. Bunun özü də cəmiyyətdə müəyyən bir burulğan yaradır.
Ənənəvi media əsasən keyfiyyətsiz informasiya təqdim edir, ciddi araşdırmalar aparmır. Azərbaycanda hamı televiziyalardan narazıdır. Çünki televiziyalar birbaşa öz missiyasını yerinə yetirmirlər. Keyfiyyətsiz verilişlər, ucuz şoular, xüsusilə əhalidə sosial reaksiya doğurmayan verilişlər verilir.
Milli Teleradio Şurası və KİV-ə Dəstək Fondu medianın inkişafı ilə bağlı vəzifəsinin öhdəsindən gələ bilmir. Məsələ pul ayırmaqda deyil, pulu kimə və hansı məqsədlə ayırmaqdadır
Yardım alanlar az oxunan "Mövqe", "Səs" "Kaspi" qəzetləridir. Vaxtilə öz auditoriyası olan "Şərq", "525-ci qəzet" də pis vəziyyətdədir.
Faktiki olaraq, Azərbaycan cəmiyyətində tənqidi media yoxdur. Belə olan halda adamlar tənqidi keyfiyyətsiz materiallar təqdim edən KİV-lərdə axtarırlar. Ayrı-ayrı qəzetlərdə istedadlı jurnalistlər ola bilər, lakin ümumi siyasət jurnalistikanın deqradasiyasına gətirib çıxarır.
İndiki vəziyyətdə dövlətin qayğısı daxili senzuranın, maddi asılılığın, siyasi qurumlardan asılılığın aradan qaldırılması ola bilər.
Bu gün Azərbaycanda hamının baxdığı televiziya kanalı, hamının oxuya biləcəyi ümummilli qəzet yoxdur.
Son illər ASAN radio yaradılıb, dövlət xidmətləri sahəsində məlumatlandırır. Tək bunu bir işartı hesab etmək olar ki, müəyyən qərarları, qanunları, vergi tətbiqi ilə bağlı məsələləri şərh və izah edir.
Q.Məhərrəmlinin fikrincə, tənqidi mediaya ehtiyac var. Sosial şəbəkələr o tənqidi medianı əvəz eləməyə çalışanda çox biabırçı situasiya yaranır. Çünki bəzən tənqidçilər etik hədləri gözləmir və hökumət tənqidə dözümlülük göstərmir.
Tənqid konkret, fakt əsasında olmalıdır. Araşdırma aparırsansa bunun xətləri görünməlidir. Bu konkret faktlara əsaslanaraq ictimai əhəmiyyəti olan məsələləri, problemləri gündəmə çıxarmaq, cəmiyyəti məlumatlandırmaq, kim işini yerinə yetirmir onları tənqid eləmək lazımdır.-03D06--
Çətin sual
-
Sentyabrın 1-nə təyin olunmuş növbədənkənar parlament seçkilərində iştirak etmək üçün imzatoplama kampaniyası hazırda davam edir. Hazırda mindən çox şəxsin namizəd olmaq üçün müraciət etdiyi bildirilir.
-
Son vaxtlar aqressiyanın artmasının səbəbi olaraq şok effekti yaradan kriminal xəbərləri tez-tez eşidirik.
-
İlin sonuna kimi məktəblərdə adambaşına maliyyələşmə sisteminə keçid planlaşdırılır. Elm və təhsil naziri Emin Əmrullayevin sözlərinə görə, bu, bir neçə məktəbdə pilot kimi həyata keçiriləcək: "Sınaq uğurlu olsa, inkişaf üçün cəbhə yaranacaq. Bununla da məktəb muxtariyyəti və müəllimlər tərəfindən idarə olunması üçün yaxşı zəmin yaranacaq".
-
Ermənistanın baş naziri Nikol Paşinyan Böyük Britaniyada Azərbaycan prezidenti İlham Əliyevlə görüşdən imtina edib. Bunu Azərbaycan prezidentinin köməkçisi - Prezident Administrasiyasının xarici siyasət məsələləri şöbəsinin müdiri Hikmət Hacıyev "Report"a bildirib.
Rəy yaz