Psevdodistant təhsil pandemiyanın vurduğu ziyanın qarşısını almadı

Bakı/15.06.21/Turan: Ötən ilin martından koronavirus pandemiyası səbəbindən məktəblərdə və universitetlərdə təhsil əsasən on-layn rejimində aparılıb. Tusi adına Azərbaycan Dövlət Pedaqoji Universitetinin dosenti İlham Əliyev Turan agentliyinin “Çətin sual” proqramında onlayn təhsildəki nöqsanlardan danışıb.

Onun sözlərinə görə, distant təhsil pandemiyadan 25 il öncə dünyada mövcud olub. Avropada və Müstəqil Dövlətlər Birliyində bu sistemdən çoxdan istifadə olunur. Lakin prezident İlham Əliyevin 10 iyun 2008-ci il tarixli fərmanı ilə "2008-2012-ci illərdə Azərbaycan Respublikasında təhsil sisteminin informasiyalaşdırılması üzrə Dövlət Proqramı"nı təsdiq etməsinə baxmayaraq, Azərbaycanda bu sistem tətbiq edilməyib.

Distant təhsili tətbiq etmək üçün böyük iş aparmaq lazım idi. Təəssüf ki, ölkənin Təhsil Nazirliyi bununla məşğul olmayıb. Lakin COVİD-19 pandemiyası səbəbindən dərsləri on-line rejimdə aparmaq məcburiyyəti yarandı.

Əhmədovun fikrincə, 15 aylıq psevdodistant təhsilinin nəticəsi pandemiyanın təhsilə vurduğu ziyanın qarşısını ala bilməzdi. Bu, onunla əlaqədardır ki, yuxarıda qeyd olunan fərmana baxmayaraq, ölkədə faktiki distant-təhsilə embarqo qoyulub. Onlayn təhsilə keçid zərurəti yarandıqda isə Təhsil Nazirliyində tam çaşqınlıq yaranmışdı.

Öncə dərslərin keçirilməsi üçün WhatsApp proqramından istifadə etməyə qərar verdilər. Əmin oldular ki, işə yaramır Zoom-a keçdilər, sonra Teams-ə (Microsoft şirkətləri) keçdilər. Lakin bütün bu proqramlar distant təhsil üçün deyil, vebinarların, müşavirələrin və sair keçirilməsi üçün nəzərdə tutulub.

Həmçinin onlayn rejimdə imtahanlar keçirməyə cəhd etdilər, amma yenə də heç bir şey çıxmadı - proqramın yüklənməsi və imtahan verənlərə nəzarət problemi yarandı.

Universitetlərə gəlincə, bu istiqamətdə uğurlu iş aparmaq üçün müvafiq kadrların olması vacibdir. Bundan əlavə, hər  universitetin özünün elektron resurs bazasını əhatə edən inkişaf etmiş İnternet portalı olmalıdır. Ali məktəblərin tədris planlarında tələbələrlə virtual mühazirələr və video-konfranslar nəzərdə tutulmalıdır. Universitet müəllimlərinin ixtisas səviyyəsi də yaddan çıxmamalıdır, bu, müasir dövrün tələblərinə uyğun olmalıdır, ekspert hesab edir.

Ölkədə distant təhsil sisteminin yaradılması üzrə real addımların atılması üçün pandemiya dövründə təhsilin təşkilindəki problemlərin öyrənilməsi və onların həlli yollarının müəyyənləşdirilməsi Təhsil Nazirliyi üçün olmalıdır.

Təhsil dəyişməlidir. Bu, ilk növbədə, yeni texnologiyaların inkişafı və rəqəmsallaşdırma ilə bağlıdır. Təhsilin inkişafı üçün distant təhsil vacibdir, ekspert əmindir. -0-