Türkiyənin xarici işlər naziri Əhməd Davudoğlu İraqda girovluqda olan Türkiyə vətəndaşlarının durumu ilə bağlı yerli telekanallar açıqlama verib.
Ə.Davudoğlu Türkiyə xəbər saytlarına özünü İraq Şam İslam Dövləti (İŞİD) adlandıran silahlı qruplaşmanın İraqın Mosul şəhərində girov götürdüyü vətəndaşların səhhətinin yaxşı olduğunu söyləyib.
Nazir girovların sərbəst buraxılmaları üçün çalışmaların davam etdiyini və bu səylərin onların vətənə qayıdacaqlarına qədər də davam edəcəyini söyləyib. “Yayılan xəbərlərə hər kəs diqqətli olmalıdır, bizdən gələn xəbərlərə etibar edilməlidir və ən qısa zamanda xeyirli bir xəbəri yetirmək arzusu ilə sizlərə təşəkkür edirəm”, - nazir bu məsələ barəsində mediaya mövqeyini çatdırıb.
Türkiyə saytları İraqın şimalındakı Kürd muxtariyyətinin rəhbərliyinə istinadən girovların hələ də Mosul valisinin evində saxlandığı, səhhət və saxlanmalarında problemin olmadığını bildirirlər. Bununla yanaşı İŞİD qruplaşmasının Mosul şəhərindəki Türkiyə konsulluğunun binasını zəbt etdiyini, Türkiyə dövlət bayrağını endirdiyini, əsgəri qüvvələrinin bir hissəsini bu binaya yerləşdirdiyini nəzərə çatdırır.
Eyni zamanda Kürd muxtariyyətinə istinadən hazırda İraqda İŞİD silahlı qruplaşmasının əməliyyatlarına Səddam Hüseyn rejimi zamanı “ikinci şəxs” sayılan, kəşfiyyat generallarından İzzət İbrahim əl-Duri rəhbərlik edir. Bu şəxsi ABŞ kəşfiyyat qrupları o zaman nə qədər axtarsa da tapa bilməyib. Bütünlükdə isə İŞİD-ə altı nəfər başçılıq edir, bunlardan 3-ü keçmiş hərbçilər, 3 isə din xadimləridir. Qurumun tam səalahiyyətli rəhbəri kimi ancaq Əbubəkr əl-Bağdadi qəbul edilir. Silahlı qruplaşma Əbubəkr əl-Bağdadini müsəlmanların xəlifəsi adlandırırlar.
Livanda sürgün həyatı yaşayan İraqın keçmiş rəhbəri Səddam Hüseynin qızı Righad Hüseyn İŞİD-in İraqa hücumlarını və atasının zamanında “ikinci şəxs” olan İzzət İbrahim əl-Durinin dəstək verməsini bəyəndiyi haqda açıqlama verib. Bundan əlavə, barəsində ölüm hökmü çıxarılan İraqın keçmiş vitse-prezidenti, hazırda Türkiyədə himayə edilən Tariq əl-Haşimi də bu hücumları bəyəndiyini açıqlamaqdan çəkinməyib.-05D-
Dünyada
-
ABŞ-da TikTok-un milli təhlükəsizlik səbəbləri ilə qadağan edilməsini nəzərdə tutan yeni qanun qüvvəyə minib və bu, Çin sosial media platformasının qadağa götürülənə qədər ölkədə fəaliyyətini dayandırmasına səbəb olub.
-
Fələstin qrupu HƏMAS tərəfindən 7 oktyabr 2023-cü ildən bəri girov saxlanılan üç israilli qadın azad edilərək İsrailə qayıdıb. Bu barədə bazar günü axşam İsrail Müdafiə Qüvvələri (İMQ) və İsrailin təhlükəsizlik xidməti ŞABAK məlumat yayıb.
-
Rusiya Prezidenti Vladimir Putin və İran Prezidenti Masud Pezeshkian bu gün Kremldə görüş keçiriblər, bu görüş Rusiya ilə İran arasındakı ikitərəfli münasibətlərdə yeni bir mərhələnin başlanğıcını işarələyir. Rusiya ilə rəsmi səfərdə olan Pezeshkiana, Xarici İşlər Naziri Sergey Lavrov, Baş nazir müavini Vitali Savelyev və digər mühüm Rusiya rəsmiləri də qatılıblar.
-
ABŞ və Aİ tərəfindən terror təşkilatı kimi tanınan Fələstin qruplaşması HƏMAS və İsrail, Qəzzada atəşkəs və girov mübadiləsi barədə razılaşmanı yekunlaşdırıb. Bu barədə İsrail Baş naziri Benyamin Netanyahu ofisi cümə günü səhər məlumat yayıb.
Rəy yaz