2012-ci ildə Azərbaycanda neft hasilatı və neft gəlirləri xeyli azalıb

Turan agentliyinin analitikləri Azərbaycan prezidentinin çıxışının energetika ilə bağlı hissəsini öyrənib bu nəticəyə gəliblər ki, hökumətin iclasında əvvəlcədən qərara alınıbmış ki, hər şey çəhrayı rəngdə təsvir edilsin. Hərçənd  2012-ci il yaddaşlarda bir çox problemlər və nail olunmayan məqsədlərlə qaldı. Ona görə məhz onlardan danışmaq və cəmiyyətə 2013-ci ilin vəzifələrini açıqlamaq məqsədəuyğun olradı. Amma qəribə də olsa, iclasda nə ARDNŞ rəhbərinə, nə "Azərenerji" sədrinə, nə Bərpa Olunan Enerji Mənbələri üzrə dövlət şirkətinin rəhbərinə söz verildi. Onların əvəzinə dövlət başçısı özü qısa şəkildə danışdı. 

Nəticədə ölkədə nə qədər neft və qaz çıxarıldığı deyilmədi. Halbuki 2011-ci il ilə müqayisədə neft hasilatı azalıb: ARDNŞ prezidentinin dekabr bəyanatına inansaq, ölkədə 43,9 mln ton neft çıxarılıb və il ərzində hasilat 1,7 mln ton azalıb. ARDNŞ-nin statistikasına görə (2012-ci ilin 11 ayı - red), hasilat 43 mln tonu keçməyib, azalma 2,6 mln ton olub. 

Dogər tərəfdən, 2012-ci ilin əsas problemi “Azəri-Çıraq-Günəşli”də kəskin azalmadır. Hökumətin oktyabr iclasında dövlət başçısı buna görə ВР şirkətini kəskin tənqid etdi və ölkənin nəhəng itkiləri, bu illərdə əldə edilməyən $8 mlrd gəlirdən danışdı. 

3 ay sonra məlum oldu ki, neft sahəsində (təkcə onda yox) idilliya hökm sürür. Bəs nə baş verdi? Əgər hər şey belə rəvan gedirsə, onda niyə Rəhbər Komitə AÇG konsorsiumunun büdcəsini təsdiq etməyib? Axı bu onunla bağlıdır ki, tərəflər qarşıda duran işlər və maliyyə xərcləri üzrə məsələləri həll etməyiblər. Onda 2013-cü ildə “Azəri-Çıraq-Günəşli”də hansı sabitlikdən söz gedə bilər? Axı hələ yeni istismar quyuları qazmağa başlamayıblar. Hətta qazmış olsalar belə, onların istismara verilməsi üçün daha 4-5 ay lazım gəlir. Bu dövrdə isə kontrakt meydançasında hasilatda azalma labüddür.

“Azərenerji” son illər çoxlu müasir elektrik stansiyaları tikib. Amma hələ də 1 kvtsaat elektrik enerjisi istehsalı üçün orta şərti yanacaq məsrəfi 313 qramdır. Bu, çox yüksək göstəricidir. 

2009-cu ildə ölkədə  Bərpa Olunan Enerji Mənbələri üzrə Dövlət Agentliyi yaradılıb. 1 iyun 2012-ci ildə bu qurumun bazasında sayca ikinci dövlət şirkəti təsis edilib. Amma hələ onun nizamnamsəi təsdiq edilməyib. Agentlik 2012-ci ildə hibrid park yaradıb, amma onu aça bilmir, çünki “Azərenerji” ilə problemi var. Bundan başqa, ölkədə alternativ energetikanın obyekti olan kiçik SES-ləri “Azərenerji” tikir. Bu, nə qədər davam edəcək? 

Nəhayət, 2012-ci ildə ilk dəfə Azərbaycanın neft gəlirləri azalmağa başlayıb. Nə qədər azaldığı bilinmir. Dəqiq məlumat məmurlardadır. Bir şey aydındır ki, 2011-ci il ilə müqayisədə azalma $3 mlrd-a yaxın olacaq. --0--