Bakı Banklararası Valyuta Birjasının (BBVB) valyuta bölməsində hərrac həcmi 2013-cü ilin dekabrında $43,975 mln və ya 34,495 mln manat olub. Bu, ötən ayla müqayisədə 3,152 mln manat və ya 10% çox, 2012-ci ilin dekabrı ilə müqayisədə 45,9% azdır.
Hesabat dövründə hərracların birja elektron sistemində hər bir əqdin orta həcmi USD/AZN üzrə $2,199 mln, orta günlük dövriyyə $1,912 mln olub.
2013-cü ilin dekabrında BBVB valyuta bölməsinin hərraclarında 8 bank iştirak edib. Hesabat ayında BEST-də 46 hərrac sessiyası keçirilib və 20 əqd qeydiyyata alınıb.
Ötən il birja valyuta dövriyyəsi 439,66 mln manat ekvivalenti olub. Bu, 2012-ci ildəkindən 40,4% azdır.2012-ci ildə valyuta satışı həcmində azalma 27% olub.
Milli valyutanın birja məzənnəsi hesabat ayında dəyişməyib və 1 USD üçün 0,7835 olub. Manatın ABŞ dollarına nisbətdə orta ölçülmüş məzənnəsi 1 USD üçün 0,7844 AZN təşkil edib. noyabrda o, 0,7843 AZN idi.
2013 -cü ilin dekabr ayında market meyker bankların 90 günlük Bakibor kreditlərinə sifarişlərinə əsasən nəzərdə tutulan orta aylıq faizli tarif manatla illik 10,23% və ABŞ dolları ilə illik 10,66% təşkil edib. 90 günlük BakiBİD tarifi manatla illik 4,60% və ABŞ dolları ilə 4,59% olub. --15D--
İqtisadiyyat
-
S&P Global Ratings Azərbaycanın bank sektorunun risk qiymətləndirməsini yenidən nəzərdən keçirərək, proqnozu "sabit"dən "müsbət"ə yüksəldib.
-
Ölkədə son günlər çörəyin bahalaşdığı deyilir. Sosial şəbəkələrdə yazılır ki, çörəyin qiymətlərində 5-10 qəpik artım var. Şikayətlərə görə, Azərbaycanda "zavod çörəyi" kimi tanınan çörəyin üstündə çəki barədə məlumat tapmaq çətindir. Yəni, bir çox hallarda bu növ çörəyin üstündə çəki barədə məlumat yazılmır. Ayrı-ayrı sexlərin təndirxanalarında bişən çörəklə də bağlı alıcıya çox vaxt qiymətdən başqa heç bir məlumat verilmir.
-
Rusiya, İran və Azərbaycanın xarici işlər nazirləri, nəqliyyat nazirləri, enerji nazirləri və gömrük xidmətlərinin rəhbərləri yaxın zamanda Rəşt-Astara dəmir yolu layihəsinin icra vəziyyətini müzakirə etmək üçün üçtərəfli görüş keçirəcək. Bu barədə İranın Rusiyadakı səfiri Kazım Cəlali məlumat verib.
-
Azərbaycan və Tatarıstan enerji, maşınqayırma, neft-kimya, kənd təsərrüfatı və nəqliyyat sahələrində qarşılıqlı maraqlara əsaslanan ticarət və iqtisadi əməkdaşlığı gücləndirməkdə davam edir. İkitərəfli əlaqələr, rəsmi nümayəndə heyətlərinin müntəzəm səfərləri və beynəlxalq iqtisadi forumlarda iştirakı ilə dəstəklənən sabit inkişaf nümayiş etdirir.
Rəy yaz