![3 ayda düyü idxalı 2014-cü ilin göstəricisini üstələyib](https://turan.az/resized/media/2015/main/052300116871-750-500-resize.webp)
3 ayda düyü idxalı 2014-cü ilin göstəricisini üstələyib
Bu ilin birinci rübündə Azərbaycana 8 892,2 ton düyü idxal edilib. Bu barədə Dövlət Gömrük Komitəsinin (DGK) məlumatında deyilir. Bu, 2014-cü ildə olduğundan (6,1 min ton) 45,7% çoxdur.
Azərbaycanda ərzaq balansına görə, 2013-cü ildə ölkədə düyü istehlakı 31,6 min ton və ya adambaşına 3,3 kq. təşkil edib. Bunun 28 485 tonu idxalın payına düşür. Dövlət Statistika Komitəsi bildirib. Lakin DGK gömrük vergi və rüsumlarına cəlb olunmaq məqsədilə 18 min ton düyü qeydə alıb. İdxalın real həcmi barədə daha səhih məlumat Kənd Təsərrüfatı Nazirliyi yanında Dövlət Fitosanitar Xidmətində var. Qurum gömrükçülərin hesabatlarında açıqlandığından 10 min ton çox idxal aşkar edib. Söhbət ən azı $15 mln.-un dövlət büdcəsindən yayındırılmasından gedir.
Qeyd edək ki, 2010-2013-cü illərdə Azərbaycana düyü idxalının faktiki həcmi ildə ən azı 24 min ton təşkil edib.
Gömrükdə korrupsiya sənədləşdirilən malların dəyərində də özünü göstərir. DGK-nın məlumatına görə, bu ilin birinci rübündə idxal olunan düyünün bir kiloqramı orta hesabla $0,27-a sənədləşdirilib. Halbuki, 2014-cü il ərzində orta göstərici 0,43$/kq. təşkil edib. Pərakəndə şəkildə düyü təxminən 1,70$/kq.-a satılır.
2014-cü ildə düyü alınması üçün idxalçıların rəsmi xərcləri $2 mln. 660,9 min təşkil edib. Gürcüstanın milli statistika idarəsinin məlumatına görə, ötən il bu ölkəyə idxal olunan düyü $5 mln. 990,9 min həcmində sənədləşdirilib.
Bu il düyü Hindistan (5 185,9 ton - $1192 min), Rusiya (2 198,4 ton- $481 min), Tayland (814 ton- $490,7 min), Pakistan (445 ton – $184,5 min) və Türkiyə (178,2 ton - $64,6 min) idxal edilib.
Qeyd edək ki, Azərbaycanda düyü istehsalı 2000-ci illə müqayisədə (22,3 min ton) 4 dəfədən çox azalıb və 2013-cü 5 min tona yaxın təşkil edib. Bu, düyü istehsalının subsidiyalaşdırılması şəraitində baş verir: fermerlər 2007-ci ildə yanacağın qiymətinin artırılması ilə əlaqədar kompensasiya kimi dövlət büdcəsindən ayrılan 40 manat subsidiyaya əlavə olaraq hər becərilən torpağa görə 40 manat alırlar.08B
-
- Söz istəyirəm
- 23 May 2015 14:19
-
- Siyasət
- 23 May 2015 14:56
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz