![ABŞ Yunanıstanı Rusiya qaz axınından Azərbaycan qazının xeyrinə imtina etməyə çağırır](https://turan.az/resized/media/2015/main/050800115486-750-500-resize.webp)
ABŞ Yunanıstanı Rusiya qaz axınından Azərbaycan qazının xeyrinə imtina etməyə çağırır
ABŞ Yunanıstan hökumətini Rusiyanın “Türk axını”na ümid bağlamamağa, Azərbaycan qazının Avropaya nəqlini təmin edəcək Transadriatik qaz kəməri (TAP) layihəsinin həyata keçirilməsini sürətləndirməyə çağırıb, xəbəri İnterfaks Associated Press-ə istinadla yayıb.
ABŞ Dövlət Departamentinin energetika məsələləri üzrə xüsusi nümayəndəsi Eymos Hoşteyn Afinaya səfəri zamanı yunan həmkarları bir sıra energetika məsələlərini müzakirə edib və cümə günü bildirib ki, “biz razılaşdıra biləcəyimizdən daha çox məsələləri müzakirə etmişik”.
E.Hoxşteyn qeyd edib ki, Rusiya Avropa üçün ən böyük qaz mənbəyi olsa da, Avropa da, Yunanıstan da tədarükçülərin diversifikasiyasını təmin etməlidir. “Son nəticədə, diversifikasiya tədarüklərin təhlükəsizliyini təmin etməyin ən yaxşı yoludur. Bu isə o deməkdir ki, siz sadəcə olaraq rəqabət yaratmaq üçün Rusiyadan başqa, digər mənbələrdən də qaz almaq imkanına malik olmalısınız”, deyə o vurğulayıb.
E.Hoxşteynin sözlərinə görə, Azərbaycanın qaz layihələri bütün parametrlər üzrə enerji təhlükəsizliyini təmin edir: yeni mənbə, yeni tədarükçü, yeni marşrut. Xüsusi nümayəndənin fikrincə, “Bu, infrastruktur və qaz istehsalında üstünlük təşkil edən yeganə bir ölkə deyil, çox sayda şirkətlər, müxtəlif konsorsiumlar, müxtəlif ölkələrdir – elementlərin heç biri layihəni poza və ya ondan siyasi təzyiq üçün istifadə edə bilməz”.
Yunanıstan bir müddət əvvəl yanacaq mənbəyini müxtəlifləşdirmək niyyətini bəyan edib, amma Afina Moskva ilə münasibətlərə bu prosesin bir hissəsi kimi baxır.
E.Hoxşteynlə danışıqlardan sonra Yunanıstanın energetika naziri Panayotis Lafazanis bildirib ki, Afina “ölkəmizdən keçən, Yunanıstan-Türkiyə sərhədinə qədər gedəcək və Rusiyadan təbii qaz tədarük edəcək boru kəmərinin tikintisini dəstəkləyir”. O, əlavə edib ki, “Yunanıstan öz regionunda plüralist energetika mərkəzi olmağa çalışır”.
TAP layihəsi Mərhələ-2 çərçivəsində Şahdəniz yatağından təbii qazın Türkiyənin qərb sərhədlərindən Yunanıstan, Albaniya və Adriatik dəniz vasitəsilə Qərbi Avropaya nəqli üçün nəzərdə tutulub. Boru kəmərinin uzunluğu 800 km, gücü ildə 10 mlrd. kubmetr qaz təşkil edir və tələbatdan və təklifdən asılı olaraq, ildə 20 mlrd. kubmetrə qədər artırıla bilər. Mərhələ-2 çərçivəsində qaz çıxarılması 2017-ci ilə planlaşdırılıb.
“Türk axını” layihəsi Avropa bürokratiyasında durğunlaşmış “Cənub axını”nın yerini tutub. Borunun kəməri Ukraynanı Rusiya qazının Avropaya tranzitindən tamamilə azad etməkdir. Boru kəmərinin uzunluğu təxminən 1100 km-dir, o, 4 qoldan ibarət olacaq.
“Qazprom” “Türk axını”nın dəniz hissəsinin tikinti mərhələsinə keçib, bu barədə cümə günü konsernin rəhbəri Aleksey Miller bildirib. O xatırladıb ki, “Türk axını” qaz kəmərinin “istismara verilməsi və müvafiq olaraq bu boru kəməri ilə qaz nəqli 2016-cı ilin sonlarında başlayacaq”. -0-
-
- Cəmiyyət
- 8 May 2015 20:10
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz