![AÇG-də hasilatı nə dərəcədə stabilləşdirmək mümkün olub?](https://turan.az/resized/750/500/resize/media/2014/main/051600078798.jpg)
- İqtisadiyyat
- 16 May 2014, 14:43
- 93
AÇG-də hasilatı nə dərəcədə stabilləşdirmək mümkün olub?
I rübün yekunlarına görə, «Azəri», «Çıraq» və dərin sularda olan «Günəşli» yataqlarından (AÇG) 8 mln ton neft hasil edilib. Bu barədə “BP-Azerbaijan” şirkətinin (AÇG layihəsinin operatoru) ictimaiyyət üçün hesabatında deyilir.
Qeyd edək ki, 2013-cü ilin yanvar-mart aylarında AÇG müqavilə sahəsindən 8,06 mln ton neft hasil edilib.
“BP-Azerbaijan”-ın məlumatına görə, hesabat dövründə sutkalıq orta hasilat 645,8 min barrel təşkil edib. Müqayisə üçün - 2013-cü ilin I rübündə bu göstərici 662 min barrel olub. Yəni müqavilə sahəsində sutkalıq orta hasilat 16,2 min barrel azalıb.
Bu zaman «Çıraq» platformasından I rübdə orta hesabla sutkada 66,6 min barrel, «Mərkəzi Azəri» platformasından - sutkada 168,4 min barrel, «Qərbi Azəri» platformasından sutkada - 169,2 min barrel, «Şərqi Azəri» platformasından - sutkada 84,3 min barrel, «Dərin sulardakı Günəşli» platformasından - sutkada 146,2 min barrel, «Qərbi Çıraq” platformasından - sutkada 11,1 min barrel neft hasil edilib.
Daha bir vacib faktor odur ki, konsorsium 2014-cü ilin I rübünün sonuna AÇG müqavilə sahəsində 79 hasilat quyusuna və 34 texniki quyuya malik olub. Bir il əvvəl bu göstəricilər müqaviq olaraq 64 və 30 olub.
Yəni konsorsiumun yeni istismar quyularının qazılması ilə bağlı səylərinə baxmayaraq müqavilə sahəsində hasilat sürətli templərlə aşağı düşür.
Əgər konsorsiumun maliyyə xərclərinə nəzər salsaq, 2014-cü ilin I rübündə $216 mln istismar xərclərinə yönəldilib, $692 mln isə kapital xərclər təşkil edib. 2013-cü ilin yanvar-mart aylarında konsorsium bu məqsədlər üçün $198 mln və $648 mln xərcləyib. Rüb ərzində konsorsiumun xərcləri $62 mln yaxud sutkada təxminən 688,9 min artıb.
Özü də bütün bunlar cari ildə istismara yeni «Qərbi Çıraq» hasilat platformasının verilməsi ilə bağlı verir. Situasiyanın təhlili göstərir ki, ilin ilk iki ayında burda istismarda cəmi iki quyu olub.-12A--
-
- İqtisadiyyat
- 16 May 2014 14:18
-
- İqtisadiyyat
- 16 May 2014 14:46
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz