2012-ci ildə dövlət “Azərbaycan İnvestisiya Şirkəti” ASC (AİC) Səngəçal neft-qaz terminalının və Masazır duz zavodunun uğurlu fəaliyyətini nəzərə alaraq, öz iştirak payını layihə üzrə tərəfdaşlarına satıb. Bu barədə yanvarın 15-də prezident İlham Əliyevin sədrliyi ilə keçirilən hökumət iclasında iqtisadi inkişaf naziri Şahin Mustafayevin çıxışı zamanı məlum olub.
Bu günlərdə AİC-nin icraçı direktoru Rövşən Nəcəf yerli mətbuata müsahibə verib, lakin bu sövdələşmələr barədə danışmayıb.
2007-ci ildə AİC iki QSC-də - Səngəçal neft-qaz terminalı və Azərbaycan Duz İstehsalı Birliyinin səhmlərinin 25%-ni alıb. AİC tərəfindən həmin müəssisələrə investisiyalar müvafiq olaraq $9 mln. və $2,9 mln.-luq müqavilələrin imzalanması zamanı elan olunub.
İqtisadi İnkişaf Nazirliyinin mətbuat xidmətindən AİC-nin sözügedən şirkətlərdə səhmlərin alqı-satqısı üzrə əqdlərin dəyərini açıqlamayıblar. Nazirliyin mətbuat katibi Abbas Əliyev yalnız onu deyib ki, “əqdlər uğurlu olub və dəyər qoyulmuş investisiyaların həcmini ötüb”.
“Azersun Holding” MMC-nin İctimaiyyətlə Əlaqələr Departamentindən Turan-a bildirilib ki, AİC ASC duz rafinasiyası üzrə zavoddakı payını öz investisiyalarından aşağı qiymətə satmayıb.
AİC-nin iştirakı ilə digər layihədə onun tərəfdaşı kimi “Azersun Holding” MMC-nin törəmə şirkəti “Qafqaz Trans Service” MMC çıxış edib. Bu şirkət də Səngəçal neft-qaz terminalı QSC-də 25%-lik payın alınmasına dair informasiyanı açıqlamayıblar.
“AİC”-nin investisiya qoyduğu layihələrdən çıxmaq strategiyasına əsasən şirkət öz səhmlərini birjada açıq təklif yolu ilə strateji investora və ya fəaliyyətdə olan səhmdara sata bilər. Hansısa mülahizələrə görə AİC ASC rəhbərliyi hər iki investisiya layihəsi üzrə sonuncu yolu seçib.
AİC ASC 2006-cı ilin martında yaradılıb. Nizamnamə kapitalı
160 mln. manat təşkil edir. Şirkətin yaradılmasında məqsəd qeyri-neft sektorunun yaradılmasına yardım etməkdir.
Mülki Məcəlləyə və Qiymətli Kağızlar üzrə Dövlət Komitəsinin normativ aktlarına əsasən insayder, bu halda 10%-dən çox səhmin sahibi səhmlərin alqı-satqısı üzrə əqd barədə məlumatı KİV-də dərc etdirməlidir. 08B
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz