Dövlət Neft Şirkəti (ARDNŞ) cəlb etmə üçün nəzərdə tutulmuş həcmdən 25% az məbləğdə dollar istiqrazlarının sayca üçüncü buraxılışını yerləşdirib. Bu barədə “Global Capital” məlumat verir.
Məlumata görə, buraxılışın ümumi həcmində 1 milyard dollarda 15 illik istiqrazlar 6,95 faiz gəlirliklə 750 miyon dollar yerləşdirilib.
Yerləşdirmədən əldə edilən vəsaitin yarısı Türkiyədə “Star” neft emalı zavodunun tikintisinə xərclənəcək, qalan hissəsi isə şirkətin qısamüddətli kreditlərinin yenidən maliyyələşdirilməsinə və ümumi korporativ məqsədlərə ayrılacaq.
Daha əvvəl ARDNŞ-nin kapital bazarından gəlirliyi 7 faiz olan 1 milyard dollar cəlb edəcəyi gözlənilirdi. Buraxılışın menecerləri qismində "Deutsche Bank" və "JP Morgan" seçiliblər.
ARDNŞ lk buraxılış 2012-ci ilin fevral ayında olub. ARDNŞ 5 il müddətinə $500 mln məbləğində avrobondun debüt buraxılışını (gəlirlilik 5,45%) həyata keçirib. 2013-cü ilin mart ayında şirkət CEEMEA (Mərkəzi və Şərqi Avropa, Yaxın Şərq. Afrika) bazarında 10 il müddətinə $1 mlrd məbləğində avrobondun ikinci buraxılışını yerləşdirib. Onlara tələbat emissiyadan üç dəfə çox olub.
ARDNŞ-nin avrobondlarının ikinci buraxılışı 4,75%-lə olub, hazırda faiz 5,8-dir. Bu əqdin hesabına 3 mlrd dollar cəlb edilib. –12D--
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz