![AZAL-ın ziyanı sürətlə artır](https://turan.az/resized/750/500/resize/media/2014/main/050800078051.jpg)
AZAL-ın ziyanı sürətlə artır
2013-cü ildə hava nəqliyyatında sərnişin daşınması aviaşirkətlərə 35 mln 165 2 min manat ziyan vurub. Bu, əvvəlki ildəkindən 5,7% çoxdur.
Dövlətstatkomda Turan-a bildiriblər ki, aviaşirkətlərin gəlirləri 262,4 mln manat olub. Bu, 2012-ci ildəkindən 16,3% çoxdur. Şirkətlərin sərnişin daşınması xərcləri 15% artaraq 297,6 mln manat olub.
Ötən il “Turan Air” şirkəti fəaliyyətini dayandırıb. Beləliklə, özəl sektoru bir şirkət - “Silk Way Business Aviation” MMC təmsil edir. 2013-cü ildə aviaşirkətlər 1 665,6 min sərnişin (+4,2%) daşıyıb.
DSK-ya görə, 2013-cü ildə sərnişin daşımalarının 0.4%-i özəl şirkətlərin payına düşüb.
«Maliyyə hesabatını niyə açıqlamırsınız?» sualına cavab olaraq “Azerbaijan Airlines” QSC-də Turan-a deyiblər ki, bu, kommersiya sirridir.
Nizamnamənin 5.3 maddəsinə əsasən, AZAL illik maliyyə hesabatını hər il maliyyə ili bitdikdən sonra 4 aydan gec olmayan müddətdə açıqlamalıdır.
DSK-ya görə, 1996-2013-cü illərdə Azərbaycan aviaşirkətlərinin sərnişin daşımaları üzrə maliyyə itkiləri 418,6 mln manat olub. Bu illərdə aviasiyaya investisiyalar 1,4 mlrd manat olub.
Müqayisə üçün deyək ki, “Air Astana” (Qazaxıstan) aviaşirkəti 2012-ci ildə 9,1 mlrd tenge (2012-ci ildə 1 ABŞ dolları 149 tenge olub) xalis mənfəət əldə edib. Aviaşirkətin ötən ilin əvvəli üçün bölünməmiş mənfəəti 40 mlrd tenge təşkil edib.
Silk Way Business Aviation aviaşirkəti 2007-ci ildə yaradılıb. Aviaşirkətin kommersiya istismarında Gulfstream G550, Gulfstream G450, Gulfstream G200, Boeing 727, ATR-42-500 və 2 yeni Gulfstream G280 var. 2015-ci ildə şirkət Gulfstream-dən daha 2 G650 təyyarəsi alacaq.
AZAL-ın aviaparkında 7 Airbus A-320, 4 Boeing-757-200, 3 Airbus A-319, 2 Airbus A-340 və 2 Boeing-767-300ER var. 08B
-
- Bazarların icmalı
- 8 May 2014 16:05
-
- İqtisadiyyat
- 8 May 2014 16:09
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz