Azərbaycan Beynəlxalq Bankı 50 mln manatdan artıq səhm yerləşdirib

Bir gün əvvəl «Azərbaycan Beynəlxalq Bank»ı ASC-nin 2012-ci ilin may ayında qeydiyyata alınan ümumi həcmi 10 mln manat olan səhm emissiyasının yerləşdirilməsi müddəti başa çatıb. Bank aprelin 3-də 34 səhmdar arasında ümumi həcmi 50 892,7 min manat olan səhm yerləşdirib, bu zaman bir çox suallar meydana çıxıb. 

Məsələ burasındadır ki, bankın bu ilin yanvarına olan balans hesabatına görə, həcmi 340 mln manat elan edilən ödənilmiş nizamnamə kapitalı 303,8 mln manat təşkil edib. Bundan əlavə, ABB-nın idarə heyəti KİV-ə müsahibəsində bankın ödənilmiş nizamnamə kapitalının 330 mln manata çatdığını deyib. Başqa sözlə, fəaliyyətdə olan səhmdarlara təxminən 10 mln manat ödəmək qalıb. Ancaq ABB-nın səhmlərinin yerləşdirildiyi Bakı Fond Birjasının rəsmi məlumatından aydın olur ki, səhmdarlar buraxılan səhmlərdən xeyli artıq alıb. Bu,  qanunvericiliyin tələblərinə ziddidir, qanunvericiliyə əsasən isə yerləşdirilən həcm elan edilən məbləğdən artıq olmamalıdır. 

Emissiyaya qədər dövlət Maliyyə Nazirliyi qismində «Azərbaycan Beynəlxalq Bank»ın NK-da 50,2% paya malik idi. Dövlət faktiki olaraq ona çatan səhmlərin haqqını ödəyib və bankın NK-da iştirakını 170 mln manata çatdırıb. Beləliklə, 2013-cü ilin əvvəlinə dövlətin bankdakı payı 56%-i ötüb.

ABB aktivlərin həcminə görə Azərbaycanın bank birliyində birincidir. Onun Rusiya və Gürcüstanda törəmə bankları var. 2012-ci ildə ABB-nin xalis mənfəəti 43,4 mln manat təşkil edib, bu da 2011-ci ilin göstəricisindən üç dəfə çoxdur. Emissiya prospektinə əsasən, bankın səhmdarlarının sayı 1800-dən fiziki və hüquqi şəxsdir. Emissiyaların yerləşdirilməsinə qədər bankın NK-da 7,9% əcnəbilərə məxsus idi. ABB dövlətə məxsus payın özəlləşdirilməsi mərhələsindədir. 08B