Azərbaycan karbohidrogen hasilatı xərclərini şişirtməyə meyllidir

İndiki iqtisadi modeldə tarif artımı nəticə yox, ardıcıl prosesdir, - deyə Reportyorların Azadlığı və Təhlükəsizliyi İnstitutunda aksiz və başqa malların tariflərinin artırılmasının nəticələri barədə ictimai dinləmələrdə Sosial İqtisadi İnkişaf Mərkəzinin rəhbəri Məhəmmdə Talıblı bildirib. 

Onun sözlərinə görə, neft və başqa enerji daşıyıcılarının bahalanması 2 halda baş verir – ya bu mallar xaricdən alıb dünya konyunkturundan asılı olanda, ya da karbohidrogen hasilatı xərclərini şişirtməyə meylli ölkələrdə baş verir. Rəsmi məlumata görə, bu gün ölkədə 1 barrel xam neft $10-dır. Dünya bazarında neftin qiyməti neçə ildir $100-dan düşmür. 

Hökumət bildirir ki, bu yolla tıxaclar aradan qaldırılacaq. Bu, real deyil. 2006-cı ildə Azərbaycanda 650 min, 2013-cü ildə 1,2 mln avtomobil olub, - deyə ekspert bildirib. 

Səbəb büdcədəki 1 mlrd 679 mln manat və ya ÜDM-in 2,87%-i kəsirdir. Bu, ARDNŞ-nin maliyyə və ya istehsal problemləri ilə bağlı deyil. Hökumət bir yandan ildən-ilə ARDNF-dən transfertləri azaldır, digər tərəfdən əhalinin hesabına tarifləri artırır. 

Talıblının sözlərinə görə, hökumət Azərbaycanda yanacağın qiymətini Avropa ölkələri ilə müqayisə edir. Avropada orta maaşa 1,5-2,5 min litr, bizdə 650 litr benzin almaq olar. Tarif artımı həm də gizli iqtisadiyyatın artmasına kömək edir, deyə ekspert düşünür. --17D—