Bakı/27.09.17/Turan: Azərbaycan bir il ərzində rəqabətədavamlı ölkələr reytinqində mövqeyini yaxşılaşdırıb, 37-ci yerdən 35-ci yerə yüksəlib, bu barədə Ümumdünya İqtisadi Forumunun hazırladığı "2017-2018 Qlobal Rəqabətədavamlılıq İndeksi"ndə deyilir.
Bu nəticə 137 ölkənin iqtisadiyyatının ÜİF eksperti tərəfindən üç əsas kateqoriya - təməl tələblər, səmərəliliyi gücləndirən amillər, innovasiya amilləri üzrə təhlili əsasında verilib. Kateqoriyalar 12 sahədən (ictimai institutlar, infrastruktur, makroiqtisadi mühit, səhiyyə və ibtidai təhsil, ali təhsil və peşə hazırlığı, mal və xidmətlər bazarı, əmək bazarı, maliyyə bazarının inkişaf səviyyəsi, texnoloji səviyyə, bazarın ölçüsü, şirkətlərin rəqabətədavamlılığı, innovasiyalar) ibarət idi.
Azərbaycan araşdırmada Rusiyadan (38-ci yer), regiondakı qonşularından (Türkiyə - 53, İran - 69, Gürcüstan - 67, Ermənistan - 73) önə keçib.
Ən yaxşı göstəricilər əmək bazarının səmərəliliyi, institusionallıq, innovasiya amilləri, biznesin zərifliyi, mal bazarının səmərəliliyi sahələrində əldə olunub.
Ən pis nəticələr makroiqtisadi mühit, səhiyyə və ibtidai təhsil, maliyyə bazarının inkişaf səviyyəsi, ali təhsil və təlim, bazarın ölçüsü üzrə olub. -0-
İqtisadiyyat
-
Bakı Beynəlxalq Dəniz Ticarət Limanı, Şərqlə Qərbi birləşdirən Orta Dəhlizin mühüm halqası olaraq, 2024-cü ildə 7,6 milyon ton yük qəbul edib ki, bu da əvvəlki illə müqayisədə 3,2% artım deməkdir. Bu artım limanın qlobal ticarətdə artan rolunu və Çin, Türkiyə, Gürcüstan, İran və Rusiya kimi ölkələr üçün tranzit qovşağı kimi əhəmiyyətini vurğulayır.
-
Azərbaycanın Dövlət Neft Şirkəti (SOCAR) Birləşmiş Ərəb Əmirliklərinin (BƏƏ) Abu Dabi Milli Neft Şirkətindən (ADNOC) şelfdə yerləşən SARB və Umm Lulu konsessiyasındakı 3%-lik payı 285 milyon dollara alıb. Bu, iki ölkə arasında enerji əlaqələrinin dərinləşdirilməsi istiqamətində mühüm addım kimi qiymətləndirilir. Müqavilə 2024-cü ilin may ayında bağlanıb və 2025-ci ilin yanvarında yekunlaşıb.
-
Bakı Kiçik və Orta Biznes (KOB) Evi və Miniboss Biznes Məktəbi uşaqlarda sahibkarlıq bacarıqlarının inkişafına yönəlmiş anlaşma memorandumu imzalayıblar. Bu barədə Kiçik və Orta Biznesin İnkişafı Agentliyi (KOBİA) bazar ertəsi məlumat yayıb.
-
2025-ci ildə Azərbaycanın informasiya təhlükəsizliyi və rəqəmsal infrastrukturu təzyiq altında qalır, çünki ekspertlər Milli İnternet Mübadilə Mərkəzinin (İnternet Exchange Point - IXP) olmamasını vurğulayırlar. Multimediya QHT-nin rəhbəri Osman Gündüz İnformasiya və Kommunikasiya Texnologiyaları Agentliyini (İKTA) əsas provayderlər olan Azertelecom, Delta Telecom, AzTelekom və qlobal sənaye liderləri ilə əməkdaşlıq edərək Milli İnternet Mübadilə Mərkəzinin yaradılmasına rəhbərlik etməyə çağırıb.
Rəy yaz