Bakı/28.09.17/Turan: "Heykəl məhbusu" kimi tanınan Qiyas İbrahimov və atası Həsən İbrahimova Cinayət Məcəlləsinin 289.2 maddəsi ilə cinayət işi qaldırılıb. Ata və oğul məhkəməyə hörmətsizlikdə suçlanırlar.
Bu haqda onların vəkili Elçin Sadıqov bildirib.
Onun sözlərinə görə, Həsən və Qiyas İbrahimovlar sentyabrın 27-də Ədliyyə Nazirliyinin istintaq idarəsində təqsirləndirilən şəxs qismində dindiriliblər.
"Həsən İbrahimov bildirdi ki, özünü təqsirli saymır. Sadəcə, hakimin qanunsuz hərəkətlərinə etiraz etdiyini dedi. Daha sonra Qiyas İbrahimovun özünə qarşı 289.2 maddəsi ilə ittiham elan olundu. O da özünü təqsirli saymadığını bildirdi", - vəkil deyir.
Elçin Sadıqov ekspertiza rəyləri ilə tanış olduğunu, ancaq "qərəzli və birtərəfli" hazırlandığından ondan narazı qaldığını da söyləyib.
"Ekspertiza rəyində Həsən İbrahimovun hakimə müraciətlə "Balalarınızın qarşısına çıxacaq" fikri məhkəməyə təhqir kimi qiymətləndirilib. Bununla razı deyilik", - vəkil izah edir.
Elçin Sadıqov istintaqın gələn həftə başa çatacağını və işin məhkəməyə göndəriləcəyini bildirir.
NİDA Vətəndaş Hərəkatının üzvləri Qiyas İbrahimov və Bayram Məmmədov 2016-cı il mayın 10-da Heydər Əliyevin abidəsinin üzərində "Qul bayramınız mübarək" yazdıqdan sonra həbs olunublar. Ancaq onlar qanunsuz narkotik maddə dövriyyəsində ittiham olunaraq 10 il azadlıqdan məhrum ediliblər.
"Amnesty International" təşkilatı Qiyas İbrahimov və Bayram Məmmədovu vicdan məhbusu elan edib. Təşkilat hesab edir ki, gənclərə qarşı narkotik ittihamı saxtalaşdırılıb.
Amma hakimiyyət təmsilçiləri onların siyasi məhbus olmasını qəbul etmir, konkret cinayətlərə görə cəzalandırıldığını bəyan edir.
Bu il iyulun 13-də Qiyas İbrahimovun atası Həsən İbrahimov İstintaq İdarəsinə çağrılıb və ona qarşı cinayət işi açıldığı bildirilib. Cinayət işi Bakı Apellyasiya Məhkəməsində Qiyas İbrahimovun işinə baxmış hakim Vüqar Məmmədovun şikayəti əsasında başlanıb.
Məhkəmədə hakim Qiyas İbrahimovun sözünü kəsəndə atası əsəbiləşərək "Ənvər Seyidovun başına gələnlər sizin də başınıza gəlsin. Balalarınızdan görəsiz..." deyib.-0==
Cəmiyyət
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
Rəy yaz