Azərbaycanda əmlakın və kapitalın amnistiyasına gedirlər

Bakı/01.04.20/Turan: Həm özəl, həm də bank sektorunun nümayəndələri kölgə iqtisadiyyatının azaldılması və aradan qaldırılması prosesində vacib alət olan kapitalın və əmlakın amnistiyası məsələsinə baxılmasını xahiş ediblər. Bu barədə prezident İlham Əliyevlə görüşdə iqtisadiyyat nziri Mikayl Cabbarov deyib.

“Biz neft və qaz gəlirlərinin yerinə dolduracaq siyasət həyata keçirmək niyyətindəyik. Xüsusi olaraq sahibkarların təşkilatları ilə kölgə iqtisadiyyatı mövzusu da müzakirə edilib. Kapital və əmlakın amnistiyası ilə bağlı təklifləri diqqətinizə ümumi paketdə (biznes və vətəndaşlara dəstək – red.) təqdim edəcəyik, deyə nazir qeyd edib.

Hüquqşünas Əkrəm Həsənov Turan-la söhbətində qeyd edib ki, dövlətin kapital və əmlakın amnistiyası təşəbbüsünü dəstəkləyir və 2015-ci ildə maliyyə böhranı dövründə Azərbaycan Beynəlxalq Bankı ətrafında proseslərlə əlaqədar bunu təklif edib. “Hər şey hökumətin amnistiyanın hansı modelini seçəcəyindən asılıdır. Amnistiya edilən əmlakın və gəlirin siyahısından, harda yerləşməsindən, amnistiyanın tətbiqi müddətindən asılı olaraq dünyada onun müxtəlif formaları tətbiq edilib. Azərbaycanda gəlirlərin və əmlakın leqallaşdırılması müddəti iki ildən artıq təşkil etməməlidir”, - deyə ekspert bildirib.

Onun fikrincə, Azərbaycan şəraitində kapitalın və əmlakın amnistiyası Konstitusiya qanununun qəbulu yolu ilə tətbiq edilməlidir. Bunun onun üçün vacibdir ki, sahibkarlarda bu addımın geriyə yolunun olmamasına konstitusiya zəmanəti olsun. Bundan əlavə, vətəndaşlara bu amnistiyanın mübahisələri ilə bağlı yerli məhkəmə qərarlarından beynəlxalq məhkəməyə şikayət etmək hüquqi verilməlidir. Bu təklifin mahiyyəti ondan ibarətdir ki, Azərbaycanda istənilən qanunu qəbul edə bilərlər, ancaq bəzən “oyun” zamanı şərtlər dəyişir, yerli məhkəmələr isə onu istədiyi kimi təfsir edir, deyə Həsənov qeyd edib.

“Hesab edirəm ki, kapitalın və əmlakın amnistiyasında dövlət onlara heç olmasa simvolik birdəfəlik vergi qoyacaq, məsələn, leqallaşdırılan vəsaitlərin 10%-i qədər. Bu, dövlətin maliyyə çətinlikləri ilə üzləşə biləcəyi indiki şəraitdə məntiqlidir”.

Kapitalın və əmlakın amnistiyası müxtəlif yollarla ölkədən çıxarılan kapitalın qaytarılmasına gətirib çıxara bilər. Əkrəm Həsənov hesab edir ki, bu gəlirlərin leqallaşdırılması zamanı dövlət iki üsul tətbiq edə bilər: bəyan edilən gəlirin 30%-i qədər birdəfəlik vergi ödəmək şərti ilə gəlirlərin mənşəyinin leqal olması ilə bağlı zəmanət məktubu və 5%-dən çox olmayaraq birdəfəlik vergi ödəmək şərti ilə gəlirlərin tam geri qaytarılması.

İqtisadçı Rövşən Ağayev hökumətin kapital və əmlakın amnistiyası ilə bağlı planının effketini şərh edərkən Rusiya nümunəsində “bunun o qədər də sadə olmadığını” deyib. “RF-da kapitalın və əmlakın amnistiyasının maliyyə effekti hökumətin gözləntisindən xeyli aşağı olub. Azərbaycanda hər sahibkar  qanuna etibar edərək ölkədən çıxardığı kapitalı leqallaşdırmaz. Siyasi, hüquqi və məhkəmə etimadı vacibdir”, deyə o qeyd edib. 08B--