Azərbaycanın icra orqanlarının şəffaflığı üzrə hesabat təqdim edilib

Açıq Hökumət Tərəfdaşlığı (AHT) rəhbər orqanı Azərbaycan hökumətini “fəaliyyətsiz” hesab etmək barədə qərar qəbul edib, deyə Açıq Hökumətin Təşviqi üzrə Milli Fəaliyyət Planının icrası üzrə monitorinqin yekun  hesabatında bildirilir.

Turan-ın məlumatına görə, hesabat USAİD təşkilatının dəstəyi ilə “Şəffaflıq Azərbaycan” Korrupsiya ilə Mübarizə İctimai Birliyinin «Azərbaycanın Şəffaflığı Tərəfdaşlığı» layihəsi əsasında hazırlanıb.

Hesabat 2012-2015-ci illərdə keçirilən üç monitoinqin nəticələrini əhatə edib.

Mərkəzi və yerli icra orqanları arasında monitorinq 9 istiqamətdə olub və bunları əhatə edib:

- İnformasiya alınmasının asanlaşdırılması;

- dövlət orqanlarının öz faəliyyəti barədə ictimaiyyətə informasiya verməsi;

- normativ-hüquqi aktların elektron bazasının təkmilləşdirilməsi;

- ictimaiyyətin dövlət orqanlıarının fəaliyyətində iştirakının genişləndirilməsi;

- elektron xidmətlərin genişləndirilməsi;

- maliyyə nəzarəti orqanlarının şəffaflığının artırılması;

- nəzarət və vergi yoxlamalarında şəffaflığının artırılması;

- mineral ehtiyatların hasilatında şəffaflığının artırılması;

- açıq hökumətin təşviqi sahəsində əməkdaşlıq və maarifçilik.

Hesabatda deyilir ki, monitorinq zamanı yerli icra orqanlarına 180 sorğu göndərilib, cəmi 33 cavab alınıb.

33 cavabdan 21-də tam və zəruri informasiya olub, 12 halda cavab informasiya verməkdən imtina xarakterli olub.

Mərkəzi icra orqanları 176 sorğudan 107-ə cavab verib. Cavabların 73-də qismən zəruri informasiya verilib.  

Dövlət strukturlarında informasiya azadlığına məsul şəxslərin təyin edilməsi sövlət orqanlarının informasiya açıqlığına təsir etməyib.

«Nazirlər Kabinetinin hesabatlılığı bu cəhətdən aktualdır və o, şəffaflığı ilk növbədə təmin etməli idi», deyə hesabatda bildirilir.

Monitorinq həmçinin müəyyən edib ki, Azərbaycanın imzaladığı beynəlxalq saziş, konvensiya və digər sənədlərin heç də hamısı e-qanun.az portalında yerləşdirilməyib, xarici dildə olan sənədlər Azərbaycan dilinə çevrilməyib.

«Milli Fəaliyyət Planına əsasən, 2013-cü ildə icra orqanları yanında ictimai şuraların yaradılması başa çatmalı idi. Nazirlər Kabineti yalnız 2014-cü ildə «Vətəndaş cəmiyyəti institutlarında seçkilər haqqında Əsasnamə»ni təsdiq edib.  Yerli icra orqanlarında vəziyyət daha acınacaqlıdır», deyə hesabatda bildirilir.

Hesabatda həmçinin deyilir ki, 2005-ci ildə «Закона о декларации доходах должностных лиц»qəbul edilsə də, 10 ildir bu sənədin icrasına başlanılmayıb.

Qeyd edək ki, Azərbaycan 2011-ci idlə  «Açıq Hökumət Tərəfdaşlığı» Beynəlxalq Təşəbbüsünə qoşulub. –71D-