Sutəmizləyici qurğunun ilk nümunəsi əsas sifarişçiyə - `Azneft` İstehsalat Birliyinə yola salınıb. Artıq ikinci sutəmizləyici `Topas-75` qurğusu da istismara hazırdır. Hazırda üçüncü qurğuda işlər başa çatır.
Qeyd edək ki, dəniz neft mədənlərində quraşdırılması nəzərdə tutulan sutəmizləyici qurğunun mexaniki-təmir zavodunda istehsalına başlanılması istiqamətində ilk addım hələ iyulun əvvəllərində atılıb. O vaxt Çexiyanın `TOPALvater` şirkətilə ilkin razılıq əldə edilmişdi. Şirkətin prezidenti Yan Topalın rəhbərliyi altında nümayəndə heyəti Sumqayıta gələrək mexaniki-təmir zavodunda `Topas` tipli sutəmizləyici qurğuların istehsalı məsələlərini müzakirə etmişdi.
Yaxın vaxtlarda sutəmizləyici qurğuların detallarının müəyyən hissəsinin hazırlanması planlaşdırılır. İl ərzində qurğudan ən azı 50 dəst hazırlanması nəzərdə tutulub. `Ekologiya və əlverişli istismarı baxımından səmərəli olan bu qurğularının istehsalının gələcəkdə daha da artırılacağı istisna edilmir. Bu isə dəniz və çay sularının, bütünlükdə ətraf mühitin qorunması ilə yanaşı, müəssisənin istehsalat göstəricilərinin və iqtisadi vəziyyətinin yaxşılaşdırılmasında da mühüm rol oynayacaq`, deyə ARDNŞ-nin məlumatında bildirilir. --12D--
İqtisadiyyat
-
Azərbaycanın ümumi daxili məhsulu (ÜDM) 2024-cü ildə 126,3 milyard manat təşkil edərək, əvvəlki illə müqayisədə 3 milyard manat və ya 2,4% artım göstərib. Bu barədə məlumat Dövlət Statistika Komitəsi tərəfindən açıqlanıb. 2023-cü ildə nominal ÜDM 123 milyard manat səviyyəsində idi.
-
Dövlət Statistika Komitəsinin son məlumatlarına görə, 2024-cü il dekabrın 1-nə olan vəziyyətə əsasən, Azərbaycanda muzdlu işçilərin ümumi sayı 1,775 milyon nəfər təşkil edib ki, bunun 884,400 nəfəri dövlət sektorunda, 890,900 nəfəri isə qeyri-dövlət sektorunda çalışır. Bu göstərici yeddi il əvvəl hökumətin qarşıya qoyduğu iddialı hədəflərdən xeyli aşağıdır və xüsusilə gənclər arasında məşğulluq imkanları ilə bağlı narahatlıqları artırır.
-
Azərbaycan Respublikasının hüquqi və fiziki şəxsləri 2024-cü ilin yanvar-noyabr aylarında dünyanın 176 ölkəsindəki tərəfdaşlarla ticarət əməliyyatları həyata keçirib, 120 ölkəyə məhsul ixrac edib, 167 ölkədən isə idxal edib. Bu barədə Dövlət Gömrük Komitəsi məlumat yayıb.
-
Pərakəndə ticarət dövriyyəsi 2024-cü ildə real ifadədə 3,9% artaraq 62,2 milyard manata çatıb, Dövlət Statistika Komitəsinin məlumatı göstərir. Ərzaq məhsulları, içkilər və tütün məmulatları 34,1 milyard manat, qeyri-ərzaq malları isə ümumi məbləğin 28,1 milyard manatını təşkil edib.
Rəy yaz