"Azəryolservis" Bakı-Şamaxı avtomobil yolunun 45-91 km-dəki hissəsinin genişləndirilməsinə texniki nəzarət üçün məsləhətçi seçir. Bunun üçün müsabiqə elan edilib. Təşkilat yolun 4 zolaqlıya çatdırılmasına peşəkar müşahidə həyata keçirməlidir. Həmçinin bu yolun 0-15 km hissəsində təhlükəsizliyin təkmilləşdirilməsinə nəzarət də icra ediləcək.
Sazişin müddəti 2 ildir, nöqsanların aradan qaldırılması üçün mühəndislik funksiyalarına da o qədər vaxt ayrılıb. Seçim Dünya Bankının proseduru üzrə olacaq. Ərizələr üçün son müddət 26 iyuldur.
Qeyd edək ki, bu ilin mayın 25-də Dünya Bankının Direktorlar Şurası avtomobil yollarının yaxşılaşdırılması üzrə üçüncü layihənin həyata keçirilməsi üçün Azərbaycana 241,6 milyon dollar məbləğində kreditin ayrılmasını təsdiq edib. Kredit iki hissədən ibarətdir. 171,6 milyon dollar Beynəlxalq Yenidənqurma və İnkişaf Bankının (BYİB) şərtləri ilə 4 ili güzəştli olmaqla 17 il müddətinə, daha 70 milyon dollar isə Beynəlxalq İnkişaf Assosiasiyasının (BİA) şərtləri ilə 10 ili güzəştli olmaqla 20 il müddətinə ayrılıb. $356,15 mln-luq layihənin qalan vəsaitlərini yerli hökumət ödəyəcək.
Azərbaycan 1992-ci ildən Dünya Bankının üzvüdür. Bu müddətdə ölkə $3 mlrd kredit alıb. Avtomobil yollarının tikintisinə $415 mln-luq 3 kredit ayrılıb. --17D—
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz