BAZA PENSİYASI 20% YOX, 11,3% ARTIRILDI

    BAKI/01.09.10/TURAN: 1 sentyabrdan Azərbaycanda əmək pensiyalarının baza hissəsi 75 manatdan 85 manata (106 dollar) artırıldı. Artım ölkə prezidentinin 31 avqust tarixli `Əmək pensiyalarının baza hissəsinin artırılması haqqında` sərəncamı əsasında həyata keçirilir
     Sərəncama əsasən, milli qəhrəmanların, şəhid ailələri və əlillərin və s. əmək pensiyalarının baza hissəsinə əlavələr də artırılıb.
     Baza pensiyalarının artacağını prezident İlham Əliyev bu ilin iyulunun ortalarında demişdi.
     Əmək haqqı və pensiyaların artımı ölkədə 11% olan yoxsulluğu azaltmaq məqsədi ilə həyata keçirilir.
     Prezident həmçinin üçüncü rübdə minimal maaşları artırmağı da vəd edib.
     İyunda parlament 2010-cu il üçün dövlət büdcəsinin gəlirlər və xərclər hissəsini 1 milyard yarım artırmaq barədə dəyişiklik etdi. Bu vəsaitlərin bir hissəsi maaş və pensiya kimi sosial xərclərə yönəldiləcək.
     İqtisadi və Sosial Tədqiqatlar Mərkəzində baza pensiyalarının 11,3% yox, 20% artaracağını proqnozlaşdırırdılar.
     `2010-cu ildə Azərbaycan Respublikasında minimal yaşayış səviyyəsi haqqında` Qanunda yaşayış minimumu 87 manat, pensiyaçılar üçün 68 nəzərdə tutulub. İqtisadi Tədqiqatlar Mərkəzinin alternativ hesablamasına görə, iyulda pensiyaçılar üçün yaşayış minimumu 111,43 manat olub.
     Sonuncu dəfə minimal əmək haqqı və baza pensiyaları 2008-ci ilin sentyabrında 75 manata artırılıb. Minimum əmək haqqının artırılması 2008-ci ildə dövlət büdcəsindən maaş alan 600 min nəfərə aid olub. Pensiya alanların sayı 1,3 mln nəfərdir. Onlaran çoxu minimal pensiya alır.-01A-