Dövlət yardımına ehtiyacı olan ailələr çoxalır

Bu il yanvarın 1-i üçün 615 516 nəfərlik 140 711 ailəyə ünvanlı sosial yardım təyin edilib. Ötən illə müqayisədə köməyə ehtiyacı olan ailələr 13,4% artıb. Ekspertlərin fikrincə, yoxsulluğun azalması haqda rəsmi bəyanatlar həqiqəti əks etdirmir. 

Əmək və Əhalinin Sosial Müdafiəsi Nazirliyinin məlumatına görə, yardım təyin edilən hər üçüncü ailədə (39 852) 3 və daha çox uşaq var. Dövlət yardımı alan ailələrdə 20 253 əlil var.

Dekabrın sonunda Əmək və Əhalinin Sosial Müdafiəsi Nazirliyi ünvanlı sosial yardım alan ailələrin siyahısını açıqladı. Ötən il hər ailəyə orta yardım həcmi 126 manat 88 qəpik, adambaşına 29,01 manat olub. 2012-ci illə müqayisədə bu göstəricilər 11,3% və 11,5% artıb.

İqtisadçı ekspert hesab edir ki, yardım alan ailələrin sayının artması yaşayış minimumunun artması ilə əlaqədardır. Bu yardımı təyin etmək üçün ehtiyac meyarı qismən bu göstəriciyə bağlanıb. 2013-cü ildə ehtiyac meyarı 84-dən 93 manata artırılıb. Bu il bir nəfər üçün 100 manata çatdırılıb.   

AXCP mətbuat xidmətinin rəhbəri Natiq Ədilov Turan-a deyib ki, bürokratik əngəllər üzündən ehtiyacı olan bir sıra ailələr yardım ala bilmir. Yardım təyin ediləndə əsas meyar ədalət olmur: yardım almaq üçün sosial təminat orqanı uşçilərinə rüşvət vermək lazım gəlirdi. 

«Güzəran» İB-nin sədri Qadir İbrahimli hesab edir ki,. «Əmək və Əhalinin Sosial Müdafiəsi Nazirliyinin rəhbərliyi dəyişəndən sonra sistemdə həm də ünvanlı sosial yardımlarla bağlı müəyyən dəyişikliklər olur. Bir çox ailələrə bu kömək daha əvvəl təyin edilib, ona görə qısa müddətə vəziyyətin köklü dəyişəcəyini gözləmək olmaz». O həmçinin hesab edir ki, ünvanlı sosial yardımlarla bağlı islahatlar davam etdirilməlidir. Xatırladaq ki, əvvəllər Əmək və Əhalinin Sosial Müdafiəsi Nazirliyi kiçik biznes üçün şərait yaratmalqa aztəminatlıların dövlətdən asılılığını azaltmaq üçün işlər gördü. 

2012-ci ildə rəsmən yoxsulluq səviyyəsi 6% olub. Dövlətstatkoma görə, 2003-cü ildə əahlinin 44,7%-i, 2004-cü ildə 40,2%-i, 2005-ci ildə 29,3%-i, 2006-cı ildə 20,8%-i, 2007-ci ildə 15,8%-i, 2008-ci ildə 13,2%-i, 2009-cu ildə 10,9%-i, 2010-cu ildə 9.1%-i, 2011-ci ildə 7,6%-i yoxsul olub. 08B