Hesablama Palatasının ötən ilki xərcləri

Ötən cümə günü Azərbaycan parlamentinin iclası zamanı Hesablama Palatasının (AHP) sədri Heydər Əsədovun hesabatı dinlənilib. Deputatlar yekdilliklə mərkəzi fiskal orqanının büdcəsinin aşağı səviyyəsindən narahatdır. Dövlətin əsas audit strukturunun həm 2003-cü ildə (büdcə xərcləri 1,23 mlrd manat olduqda) və 2013-cü ildə (təsdiq olunmuş büdcə xərcləri – 19,85mlrd manat olduqda) eyni maliyyə və ştat cədvəli ilə işləməsi  yolverilməzdir. Yerli xalq nümayəndələri hesab edir ki, hökumət xərclərə yenidən baxmalı, Maliyyə Nazirliyi isə onun xərclərini əhəmiyyətli dərəcədə artırmalıdır (ötən il AHP-nın ehtiyacları üçün hökumət tərəfindən 3,54 mln ayrılıb, onun 2,96 mln manatı istifadə edilib). 

Ümumi göstəricilərdən göründüyü kimi, təxminən 600 min dövlət vəsaitinə qənaət edilib. Təşkilatın əsas xərcləri bunlardır: əməyin ödənilməsi, icbari sosial sığorta və istehsalatda bədbəxt hadisələrdən sığortaya 2 mln 320,02 min manat xərclənib. Ştatda olan əməkdaşların əmək haqqına 1 mln 388,75 min manat, ştatdan kənar əməkdaşlara – 33,77 min manat, digər növ əməyin ödənilməsi xərclərinə 472,9 min manat sərf olunub. Cari fəaliyyət və xidmətlərin ödənişinə (təmir, mühafizə, məzuniyyət, dəftərxana ləvazimatları və mətbəə xidmətləri və digər əlavə xərclərə) 435 min 407 manat gedib. Kommunal xərclər 0 60,66 min, nəqliyyat xərcləri – 79,12 min, telefon və poçta görə – 25,44 min manat xərclənib. Ötən il AHP 121,14 min manata bir neçə avtomobil alıb, ümumilikdə maşın və avadanlıqlara (qeyri-maliyyə aktivləri) 154 min manat xərclənib. 

Ən çox komunnal xərclərdə qənaət edilib: 95,85 min manat ayrılıb, 60 min manat sərf olunub. Digər xərclərə və israfa yol verilməyib, deyə hesabatda bildirilir. 

Ölkə parlamenti qarşısında hesabatlı Azərbaycan Hesablama Palatası 2001-ci ilin dekabrın 7-dən AR büdcə vəsaitlərinin xərclərinə nəzarət edən orqan kimi fəaliyyət göstərir. Rəhbər işçilər (sədr, müavini və 7 auditin daxil olduğu Kollegiya üzvləri 7 illiyə seçilirlər). 

Azərbaycan Hesablama Palatası bir qayda olaraq kollegiya iclası barədə ümumi sözlərlə kifayətlənir, konkret rəqəm və məlumat təqdim etmir. 

AR «İnformasiya əldə etmək haqqında» qanununun 6.0.3 maddəsinə əsasən («Məlumat əldə etməyin əsas prinsipləri») budcə gəlirləri və xərcləri haqqında məlumatların açıqlanması dövlət strukturlarının, o cümlədən Hesablama Palatasının vəzifəsinə daxildir. --17D—