İnvestisiya qiymətli kağızların emitentlərinin illik hesabatlarının hazırlanması və açıqlanması qaydaları qəbul edilib
Azərbaycanda investisiya qiymətli kağızların emitentlərinin fəaliyyətləri ilə bağlı illik hesabatlarının hazırlanması və açıqlanması qaydaları qəbul edilib. Yeni qaydalara səhmdar cəmiyyətləri və məhdud məsuliyyətli cəmiyyətlər (MMC) tərəfindən onların fiziki göstəricilərinə təsir edən xüsusi əhəmiyyətli əqdlər və hadisələr barədə məlumatların açıqlanmasına dair tələblər daxildir.
İllik hesabat hər başa çatmış təqvim ilinin nəticələri üzrə hazırlanmalı və emitent məhdud məsuliyyətli cəmiyyət olduqda növbəti ilin ilk 4 ayı ərzində, səhmdar cəmiyyət olduqda isə, növbəti ilin ilk 6 ayı ərzində səhmdarların (payçıların) illik ümumi yığıncağı tərəfindən təsdiq edilməlidir.
İllik hesabatlar emitent tərəfindən təsdiq edildiyi tarixdən etibarən 10 gündən gec olmayaraq Qiymətli Kağızlar üzrə Dövlət Komitəsinə (QKDK) təqdim edilməlidir. İllik hesabatlarda nöqsanlar aşkar edildikdə təqdim edildiyi tarixdən etibarən 15 iş gün müddətində QKDK həmin nöqsanların aradan qaldırılmasını və illik hesabatın açıqlanmasının dayandırılmasını emitentdən yazılı surətdə tələb edir.
Qaydalara əsasən illik hesabatda 10 emitentin səhmdarlarının (payçılarının) hesabat ili ərzində keçirilmiş yığıncaqları barədə məlumat açıqlanır. Həmçinin hesabatda təşkilatı-hüquqi forma dəyişiklikləri, törəmə müəssisələrin və ya filialların yaradılması və ya ləğvi, səhmdarların (payçıların) ümumi toplantıları, onların qəbul etdikləri qərarlar, buraxılan qiymətli kağızlar və s. barədə məlumatlar təqdim olunur.
Qiymətli kağızların emitentlərinin illik hesabatlarının hazırlanması və açıqlanmasına dair köhnə qaydalar 2009-cu ilin dekabrından fəaliyyət göstərib. Lakin yalnız 1%-ə yaxın emitent buna əməl edib
www.sehm.az analitik fond portalının eksperti Hafiz Babalı Turan-a bildirib ki, təxminən emitentlərin üçdə bir hissəsi QKDK-ya illik hesabatlar təqdim edirlər. Lakin məsələn, 2012-ci ildə 1600 SC-dən yalnız 20-ə qədərinin hesabatı mətbuatda dərd edilib. O hesab edir ki, 2013-cü ildə vəziyyət yaxşılaşacaq. 08B
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz