Azərbaycan Dövlət Neft Fondunun məlumatına görə, bu ilin 1 iyulu üçün layihəyə 600 mln manatdan çox, o cümlədən bu ilin 6 ayında 53 mln manat xərclənib. Hökumət 2007-ci ildən tikilən bu layihəni ilin sonu üçün təhvil vermək istəyir. Amma bir çoxları buna şübhə ilə yanaşır, çünki həm quyuların qazılması, həm də boru çəkilməsi hələ davam edir.
İqtisadçı ekspert Oqtay Haqverdiyevin sözlərinə görə, Oğuz-Qəbələ-Bakı su kəmərinin qiyməti 400 mln manatı keçməməlidir. `Hesablama Palatası bu layihəni vicdanla yoxlasa, yetərincə nöqsan tapa bilər`. Ekspert hesab edir ki, yerli mənbələrdən maliyyələşən iri layihələrdə cəmi 20-30%, yumşaq desək, qeyri-müəyyən formada istifadə olunub.
Bu layihənin idarə edilməsini və ona texniki nəzarəti Almaniyanın `CES Consulting Engineers` şirkəti həyata keçirir. O, bunun üçün 19,9 mln avro əvəzinə 18,7 mln manat alıb. 2009-cu ilin martında almanlar müqavilənin qiymətinin 7,9 mln avro artırılmasına nail oldular. Bundan başqa, bu şirkət Azərbaycan hökumətindən texniki-iqtisadi əsaslandırma üçün 2,1 mln avro alıb.
Maraqlıdır ki, layihənin qiymətinin artmasına təsir edən amillərdən birinin enerji daşıyıcılarının bahalanması olduğu deyilir. Podratçılar bunun üçün 60 mln manatdan çox alıblar, halbuki 2008-ci ilin yanvarında yanacaq və elektrik enerjisinin qiymət artımının təsiri elə də çox olmamalı idi. 08B
İqtisadiyyat
-
Şahdəniz qaz-kondensat yatağının operatoru olan BP bazar günü elan edib ki, Şahdəniz Alfa platformasında istehsal 18 yanvar axşamından bərpa edilib. Bu, Şahdəniz Alfa platforması ilə Səngəçal terminalı arasındakı sualtı kondensat ixrac boru kəmərində texniki problemin tam həllindən sonra baş verib.
-
SOCAR prezidenti Rövşən Nəcəf 18 yanvar tarixində Pakistanın Dövlət Neft Naziri Musadik Malik ilə görüşüb. SOCAR-ın məlumatına görə, müzakirələr zamanı enerji sahəsində birgə həyata keçirilən layihələr, əldə edilən nəticələr və müxtəlif sahələrdə, o cümlədən neft məhsulları ticarəti sahəsində əməkdaşlıq imkanları müzakirə olunub.
-
Azərbaycan Dövlət Statistika Komitəsi bildirib ki, 2024-cü ildə əsas kapitala qoyulan investisiyalar 21 435,1 milyon manata çatıb ki, bu da 2024-ci illə müqayisədə 0,7% azdır. Ümumi göstəricilər bir qədər aşağı səviyyədə olsa da, sektorlararası bölgü neft və qaz sahəsi ilə qeyri-neft sənayesi arasında əhəmiyyətli fərqlilikləri ortaya qoyur.
-
Azərbaycanın sənaye müəssisələri və fərdi sahibkarları 2024-cü ildə sənaye istehsalında ötən illə müqayisədə 1,1%-lik mülayim artım qeyd edərək, istehsalın ümumi dəyərini 64,1 milyard manata çatdırdı. Dövlət Statistika Komitəsi ümumi artımı neft və qaz sektorunun 0,5%-lik genişlənməsinə, qeyri-neft və qaz sənayelərinin isə 7,3%-lik sürətli artımına borcludur.
Rəy yaz