Öz günahını başqasının boynuna qoymaq

İri supermarketlər şəbəkəsi rəhbərlərinin şikayətlərinə baxılması üçün komissiya yaradılmalıdır və bura pərakəndə satış nümayəndələrinin özləri, həmçinin İqtisadiyyat, Vergilər, Maliyyə nazirliklərinin və Dövlət Gömrük Komitəsinin məsul əməkdaşları daxil olmalıdır. Keçmiş maliyyə naziri, “Ekonomiks” Beynəlxalq İqtisadi Araşdırmalar Birliyinin sədri Fikrət Yusifov belə hesab edir.

Onun bəyanatında deyilir ki, ticarət obyektlərində qeyri-rentabelliyin səbəbi əlavə dəyər vergisi deyil, malın dəyərinə təsir edən qeyri-rəsmi, çox vaxt isə səmərəsiz xərclərdir. Bundan əlavə, bir neçə vasitəçi zəncirindən xilas olmaq lazımdır, belə ki, onların hər biri 10% üstünə gəlir ki, bu da maya dəyərinə təsir göstərir.

Bundan əlavə, mağaza sahibləri həm də onu söyləməkdə haqsızdırlar ki, manatın dekabr devalvasiyası guya supermarketlərdə satılan məhsulun dəyərinin artmasına və dövriyyənin azalmasına gətirib çıxarıb.

“Əvvəla, devalvasiyadan sonra supermarketlərdə milli valyutada dövriyyənin artması müşahidə olunur, ikincisi, təsdiqləyici sənədlərə görə, əhaliyə satılan mallara sıfır ƏDV tətbiq edilir”, - ekspert vurğulayıb.

Xatırladaq ki, aprelin 18-də ARAZ, Neptun, Bolmart, Bizim Market, FRESCO, SEBET, Makromart  mağazalar şəbəkəsinin sahibləri iqtisadiyyat naziri Şahin Mustafayevə yazılı müraciət edərək mühüm yerli sosial əhəmiyyətli məhsullara, o cümlədən süd, un məmulatları, yumurta, düyü, ət, balıq, yağ, meyvə, tərəvəz və uşaq qidasına sıfır ƏDV-nin tətbiq olunmasını xahiş ediblər.

Aprelin 19-da səhər nazir həmin supermarketlərin nümayəndə heyətini qəbul edib, vergi yükünün azaldılması və ya vergi güzəştlərinin tətbiqi məsələsinə baxılaraq müsbət həll olunacağını vəd edib. Vergi tətilləri məsələsinə baxılmayıb.-17D—