Elmlər Akademiyasında Nikolay Qumilevin 130 illiyinə həsr olunmuş tədbir keçirilib

Aprelin 26-da Azərbaycanın Milli Elmlər Akademiyası və Rusiyanın İnformasiya-Mədəniyyət Mərkəzi məşhur rus şairi və tarixçisi Nikolay Qumilevin 130 illiyinə həsr olunmuş pedaqoji mühazirələr keçirib.

Tədbirdə AMEA-nın və Rusiya İnformasiya-Mədəniyyət Mərkəzinin elmi müəssisələrinin əməkdaşları, bakı Dövlət Universitetinin və Azərbaycan Mədəniyyət və İncəsənət Universitetinin müəllim və tələbə heyəti iştirak edib.

Fəlsəfə elmləri doktoru, professor Rahid Ulusl öz məruzəsində Nikolay Qumilevin və onun həyat yoldaşı,  məşhur rus şairəsi Anna Axmatovanın, onların yeganə oğlu, alim, passionar etnogenez nəzəriyyəsinin müəllifi Lev Qumilevin həyat və yaradıcılığı haqqında danışıb.

Lev Qumilevin yaradıcılığı yerli tarixçilər üçün böyük əhəmiyyət kəsb edir, belə ki, 20 monoqrafiyanın və 300-dən çox elmi məqalənin müəllifi olan tarixçi alim öz əsərlərində türk xalqlarının tarixini araşdırıb və xüsusən, Azərbaycan tarixini tədqiq edib.

AMEA Arxeologiya və Etnoqrafiya İnstitutunun aparıcı elmi əməkdaşı, fəlsəfə elmləri doktoru Xaləddin Xəlilli qeyd edib ki, Qumilev türk xalqlarının mədəniyyətinə işıq salıb, ümumiyyətlə isə “siyasi elm” adlandırılan tarixi həqiqi elmə çevirib. Passionarlıq nəzəriyyəsi haqqında danışan alim qeyd edib ki, etnoslar milli eyniliyin dərki sayəsində yaranır və onun puça çıxması ilə yoxa çıxır.

Xəlilli Lev Qumilevin elmi irsinin və onun milli kimlik nəzəriyyəsinin əhəmiyyətini qeyd edib.

Rusiya İnformasiya-Mədəniyyət Mərkəzinin təhsil proqramlarının koordinatoru Lyubov Yakunina beş ildir davam edən “Alimlər-məktəblilərə” layihəsi çərçivəsində keçirilən növbəti tədbir AMEA-da keçirilir. O, Lev Qumilevin nəzəriyyəsinin gələcəkdə bizim bugünki prosesləri anlamağımıza kömək edəcəyini qeyd edib. -02D-