Cümə günü Milli Məclis 112 səs “lehinə”, 3 səs “əleyhinə” olmaqla 2017-ci il üçün dövlət büdcəsini qəbul edib.
Turan məlumat verir ki, dövlət büdcəsinin gəlirləri 15 mlrd. 955 mln. manat (ÜDM-in 26%-i) həcmində proqnozlaşdırılır. 2016-cı illə müqayisədə azalma 867 mln. manat (5,2%) təşkil edib.
Dövlət büdcəsinin xərcləri 16 mlrd. 600 mln. manat (ÜDM-in 27%-i) səviyyəsində proqnozlaşdırılır. 2016-cı illə müqayisədə azalma 1 mlrd. 895 mln. manat (10,2%) təşkil edib.
Büdcə kəsiri 645 mln. manat (1 mlrd. 28 mln. manat– 61,4%) təşkil edəcək.
Dövlət Neft Fondundan transfertlər 6 mlrd. 100 mln. manat təşkil edib ki, bu da 2016-cı illə müqayisədə 1 mlrd. 515 mln. manatdan az və ya
19,9% təşkil edib.
Neft sektorundakı gəlirlərin dövlət büdcəsində xüsusi çəkisi 49,2% (7 mlrd. 855 mln. manat) təşkil edib. Bu göstərici 2016-cı ildə olduğundan 14,9% azdır.
Müdafiə xərcləri 2,8 mlrd. manat səviyyəsində proqnozlaşdırılır ki, bu da dövlət büdcəsinin bütün xərclərinin 16,7%-ni təşkil edir. 2016-cı illə müqayisədə 2,9% (77 mln. manat) çoxdur.
Milli Məclisin və onun aparatının saxlanması xərcləri layihənin ilkin variantı ilə müqayisədə 850 min manat artırılıb və 23 mln. 939 min 714 manat təşkil edəcək.
ÜDM artımı 1% səviyyəsində proqnozlaşdırılır və 61,4 mlrd. manat təşkil edəcək.
2017-ci il üçün inflyasiya 7,3%-dək proqnozlaşdırılır.
Dövlət büdcəsi bir barel neftin qiyməti 40 dollar hesabı ilə formalaşlıb.–71D-
İqtisadiyyat
-
Azərbaycanda gələn il minimum istehlak səbətinin tərkibinə yenidən baxıla bilər. Bu barədə Milli Məclisin komitələrinin birgə iclasında bildirilib. Sonuncu dəfə istehlak səbətində dəyişiklik 10 il əvvəl edilib. Ancaq keçən bu 10 il ərzində ölkədə inflyasiya artıb, yaşayış minimumunun məbləği da dəyişib. Üstəlik, bəzi ekspertlərin fikrincə, Azərbaycanda tətbiq olunan minimum istehlak səbətində ciddi dəyişikliklər olunmalıdır. Bəzi mal və məhsullar əlavə edilməlidir.
-
2025-ci il üçün Azərbaycanın dövlət büdcəsi layihəsi iqtisadi artım, sosial inkişaf və azad edilmiş ərazilərin bərpası da daxil olmaqla, Prezident İlham Əliyevin müəyyən etdiyi strateji məqsədləri prioritet kimi qəbul edir. Bu barədə bazar ertəsi keçirilən parlament iclasında yüksək səviyyəli rəsmilər məlumat veriblər.
-
Bakı Metropoliteninin rəhbərliyi tez-tez yeni metro xətləri və stansiyaları ilə bağlı layihələr elan edir, lakin rəsmi məlumatlarda bir kilometr xətlərin çəkilməsi və ya konkret metro stansiyalarının tikintisinin dəyəri haqqında heç bir məlumat verilmir. Jurnalistlər bəzi məlumatları qeyri-rəsmi mənbələrdən əldə edirlər ki, bu da belə məlumatların etibarlılığına şübhə yaradır. Məsələn, 2021-ci ildə hökumətin qeyri-rəsmi mənbəsi tərəfindən Bənövşəyi xətt üzrə bir stansiyanın tikintisinin planlaşdırılmış işlərinin dəyərinin 60 milyon manat olduğu bildirilmişdi. Bu məbləğə isə daxili işləmə işləri, rabitə xətləri, elektronika, eskalator və liftlərin quraşdırılması daxil deyildi.
-
Azərbaycan Milli Məclisi (Parlament) bazar ertəsi 2025-ci il üçün dövlət büdcəsi layihəsini müzakirə etməyə başlayıb. Layihədə xərclər 41,368 milyard manat səviyyəsində proqnozlaşdırılır.
Rəy yaz