Qeydə alınmayan idxal və ixrac edilən mallar hesablanıb

Bu ilin sentyabrında fiziki şəxslər tərəfindən gömrük yük bəyannaməsinin tərtib edilməsi tələb olunmayan idxal-ixrac edilən

malların həcmi $150,8 mln olub. Bunun $122,3 mln-u və ya 81,1%-i idxalın payına düşür. Dövlət Sttistika Komitəsi son 5 ildə ilk dəfə gömrük nəzarət-buraxılış məntəqələrində лxarici ticarət əlaqələrini statistik araşdırma ilə müəyyən edib.

DSK-nın ticarət şöbəsində Turan-a deyiblər ki, bu yoxlama AMB-nin tədiyə balansını daha dəqiq tərtib etməsi üçün hazırlanır. Bir çox hallarda vətəndaşların tədarük etdiyi mallar kommersiya məqsədi ilə istifadə edilir, deyə qurumda qeyd ediblər. Qanunvericiliyə əsasən, gömrük sərhədini keçən fiziki şəxslər 1500 dolardan az qiymətində gətirilən malları bəyan etməyə bilərlər.

Statistik müşahidələr zamanı müəyyən edilib ki, fiziki şəxslərin ticarət əlaqələrinin 30,73 faizi Türkiyə, 26,86 faizi Rusiya Federasiyası, 13,77 faizi Gürcüstan, 7,74 faizi İran, 2,46 faizi Çin, 2,07 faizi Ukrayna, 1,92 faizi Almaniya, 1,86 faizi Birləşmiş Ərəb Əmirliklərinin payına düşür.

Mal növləri üzrə idxal belə olub:

- meyvə  $4 854 min;

- qənnadı məhsulları $3 781 min;

- siqaret $2 877 min;

- spirtli içkilər $2 628 min;

- paltar $18,3 млн.;

- ayaqqabı $5,5 млн.;

- mobil telefon $10 279,7 min;

- noutbuk və planşetlər $8 163,8 min;

- DVD və televizorlar $7 168,6 min;

- məişət elektrik malları  $6,5 млн. манат;

- avtomobil hissələri $5 760 min;

- rezin şinlər $2,7 млн.;

- kosmetik vasitələr $5 167,7 min;

- mətbəx və yeməkxana ləvazimatı $4,4 млн.;

- kamera aparatları $5 370 min;

- xalçalar $3,9 mln və s.

Fiziki şəxslər tərəfindən bu malların 59,28 faizi Bakı şəhərində yerləşən gömrük məntəqələrindən keçirilərək ölkəmizə gətirilib.

DSK-nın müşahidələrinə görə, fiziki şəxslər ölkədən əsasən ərzaq malları (62,2%) aparır.

2013-cü ildə Gömrük komitəsi $10 mlrd 712,5 mln məbləğində idxal qeydiyyata alıb. AMB tədiyə balansında idxal mallarının həcmini $11 mlrd 155,5 mln göstərir. 08B