İqtisadiyyat Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti 11-12 oktyabr tarixlərində Daxili İşlər və Müdafiə nazirliklərinin dövlət satınalmaları prosesinə cəlb edilən 70-dən çox mütəxəssisi üçün növbəti təlimlər keçirib.
İqtisadiyyat Nazirliyinin məlumatında deyilir ki, Xidmətin əməkdaşları dövlət satınalmaları sahəsində mövcud qanunvericilik, satınalma prosesində rəqabət, satınalma prosedurlarına əməl olunması və səmərəliliyin yüksəldilməsi istiqamətində həyata keçirilən tədbirlər barədə ətraflı məlumat verib.
Antiinhisar Siyasəti və İstehlakçıların Hüquqlarının Müdafiəsi Dövlət Xidməti mart ayından dövlət satınalmaları prosesinə nəzarət etsə də, bir çox nöqsanlar yenə qalır. Məsələn, satınalma elanlarında tələb olunan mal və xidmət həcmi barədə dəqiq məlumat verilmir. «Dövlət satınalmaları haqqında» qanunun qüvvəyə mindiyi ilk vaxtlarda (2001-ci il) Daxili İşlər və Müdafiə nazirlikləri alınan ərzaq və digər mallar barədə tam informasiya verirdi. Tender elanlarının monitorinqi göstərir ki, alınan malların (iş və xidmət) xarakteristikası, müqavilələrin icra müddəti haqqında informasiya verilməsi tələbini dövlət strukturlarının 90%-i yerinə yetirmir. Bundan başqa, satınalma prosedurunun nəticələri barədə Kİv-də məlumat verən az sayda dövlət strukturları satınalma müqaviləsinin qiyməti haqda informasiya vermir.
Dövlət Xidmətində Turan-a bildiriblər ki, bu cür hadisələrin qarşısını almaq üçün inzibati sanksiyalar tətbiq ediləcək.
2015-ci ildə dövlət strukturları müsabiqə yolu ilə 8,3 min müqavilə bağlayıb. Dövlət satınalmalarının reyestrində 7,2 min satınalma haqda informasiya var. 08B
İqtisadiyyat
-
Azərbaycanın iqtisadiyyatı gələn illərdə də artımını davam etdirəcək, lakin ING Qrupu və Birləşmiş Millətlər Təşkilatının (BMT) proqnozları bərpa sürətinə dair bir qədər fərqli baxışlar təqdim edir. Niderlandın ən böyük bank qurumu olan ING Qrupu, Azərbaycanın Ümumi Daxili Məhsulunun (ÜDM) müsbət artımını proqnozlaşdırır, BMT isə daha optimist bir görünüş təklif edir.
-
Azərbaycanda taksi minik avtomobillərinin orta yaşı 15-dən 7-yə düşüb. Bu barədə Azərbaycan Yerüstü Nəqliyyat Agentliyinin (AYNA) yaydığı məlumatda bildirilir. Agentlik bunu "islahatların nəticəsi" kimi dəyərləndirib.
-
Qazaxıstan, İrana və Azərbaycana taxıl ixracını bərpa etməklə beynəlxalq taxıl bazarlarında mövqeyini möhkəmləndirib. Bu barədə ölkənin Kənd Təsərrüfatı Nazirliyi məlumat yayıb.
-
Son illərdə Azərbaycan səssizcə dinamik bir startap ekosistemi formalaşdırıb və bu ekosistem artıq beynəlxalq səviyyədə maraq doğurmağa başlayıb. Rəqəmsal təhsil platformalarından aqrotexnologiya sahəsindəki innovasiyalara qədər bu startaplar ölkənin texnologiya və sahibkarlığa artan marağını əks etdirir. Dövlət dəstəyi, beynəlxalq əməkdaşlıq və cəsarətli sahibkarlıq vizyonunun birləşməsi bir neçə Azərbaycan startapını qlobal səhnəyə çıxarıb.
Rəy yaz