Satınalmalarla bağlı təlim
İqtisadiyyat Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti mərkəzi və yerli icra hakimiyyəti orqanlarının dövlət satınalmalarına cəlb olunan mütəxəssisləri üçün yeni təlimlər təşkil edib. Dövlət satınalmaları tender əsasında 2000-ci illərin əvvəllərindən keçirilməyə başlasa da, Hesablama Palatası bu sahədə çox dərin çatışmazlıqların olduğunu hər il hesabatlarına qeyd edir.
Nazirlikdə Turan-a bildiriblər ki, budəfəki təlimlərdə Prezident yanında Elmin İnkişaf Fondu, Bakı Beynəlxalq Multikulturalizm Mərkəzi, Müəllif Hüquqları Agentliyi, Milli Elmlər Akademiyası, Milli Arxiv İdarəsi, Alternativ və Bərpa Olunan Enerji Mənbələri üzrə Dövlət Agentliyi və başqa təşkilatların 30-dək nümayəndəsi iştirak edib.
İştirakçılara dövlət vəsaitlərindən daha səmərəli istifadə edilməsi, dövlət satınalmaları sahəsində mövcud qanunvericilik haqda danışılıb, satınalma prosesində rəqabət, ədalət və şəffaflığın təmini, satınalma prosedurlarına əməl olunması və səmərəliliyin yüksəldilməsi istiqamətində tövsiyyələr verilib.
Qeyd edək ki, Azərbaycanda dövlət qurumlarının təşkil etdikləri və nəticələri ictimaiyyətə açıqlanan satınalmaların 90%-dən çoxunun qalibləri bir qayda olaraq yeni yaradılmış və lazımi potensialı olmayan şirkətlər, eləcə də fiziki şəxslər olur. Vergilər nazirliyi onların bir çoxunun rəhbərlərini vergi borcuna görə cinayət məsuliyyətinə cəlb edib. –0--
-
- Cəmiyyət
- 21 İyun 2016 16:44
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz