SON BIR AYDA ƏRZAQ MƏHSULLARININ QİYMƏTİ 4% BAHALAŞIB

    BAKİ/03.09.10/TURAN: Son bir ayda ərzaq məhsullarının qiyməti orta hesabla 4% bahalaşıb. Ərzaq məhsullarından mal əti-8,3%, un-5%, kərə yağı-9%, qarğıdalı yağı-10%, düyü-9%, xurma-60%, kişmiş-8%, quru meyvə ləpəsi -15% bahalaşıb, vermeşil və mararonun qiyməti isə -20% ucuzlaşmışdır. Kənd təsərrüfatı məhsullarından pomidor-50%, xiyar-20% bahalaşmış, kartof və soğanın qiyməti isə-25% ucuzlaşmışdır. Digər ərzaq məhsullarının qiymətləri isə dəyişməz olaraq qalmışdır.
     Ekspertlər mal ətinin son bir ayda bahalaşmasını topdan satış məntəqələrində qiymətlərin bahalaşması ilə əlaqələndirirlər. Heyvandarlıqla məşqul olan şəxslər isə mövsümlə əlaqədar olaraq heyvanların saxlanma xərclərinin artmasını və daşınmada yaranan çətinlikləri əsas səbəb kimi göstərirlər.
     Son bir ayda unun kisəsindədə 2 manat bahalaşma müşahidə edilib. Ekspertlər unun bahalaşmasını yerli məhsulldarlığın zəif olması, idxalın bahalaşması və inhisarçılıq amilləri ilə izah edirlər. Unun qiymətinin dahada bahalaşması gözlənilir.
     Ekspertlər digər ərzaq məhsullarının bahalaşmasını Ramazan ayı ilə əlaqədar olaraq süni qiymət artımı ilə izah edirlər. Bazarlarda müşahidə edilen bahalaşmanı şerh eden iqtisadçı-ekspert Vüqar Bayramovda, qiymet artımlarını süni xakter daşıdığını vurğulayır. Onun sözlerine göre, bayramın tesadüf etdiyi ayın başlaması ile elaqedar daha çox istehlak edilen erzaq məhsullarının bahalaşması süni qiymət artımıdır: `İstehlakçıların bu ay üçün məcburi tələblərini nəzərə alaraq bayram menyusuna daxil olan məhsulların qiymətləri artırılıb`.
     İqtisadçının fikrince, İqtisadi İnkişaf Nazirliyi bu artımlara qarşı mübarizeni güclendirmelidir: `Ramazan ayının başlaması ile müşahidə edilən bahalaşma iqtisadi baxımdan izah edilen deyil.
     Yaxın günlərdə ərzaq məhsullarının qiymətlərinin nisbətən sabit və bahalaşmağa meyilli olacağı proqnozlaşdırılır.