«Sovetski»nin köçürülməsi üçün ədalətli qiymət

««Sovetski» küçəsində evlərin qiymətindəki problm ondan ibarətdir ki, onların altındakı torpaq özəlləşdirilməyib. Torpaq özəl olsa idi, sakinlər daha çox kompensasiya tələb edə bilərdi». “MBA Ltd” qiymətləndirmə şirkətinin direktoru Nüsrət İbrahimov Turan-a belə deyib.

Onun sözlərinə görə, torpağın özəlləşməsinə mane olan bir səbəb olub: sakinlər torpaq ayrılması barədə qanuni sənədə malik deyil. Bu səbəbdən tiknti şirkətlərinin deyilən zonaya marağı yüksək olmayıb. Faktik olaraq son 2-3 ildə  «Sovetski»də torpaq satışı təklifi olmayıb, deyə qiymətləndirmə şirkətinin direktoru bildirib.

N.Nərimanov prospekti «birinci zonanın» hüdudundan kənardır. Orda “MBA Ltd” şirkətinə görə, 1 sot torpaq $263,4-264,1 mindir.

İbrahimov hesab edir ki, 100 və daha çox sahə mənzili olanlara verilən kompensasiya ədalətlidir. «Təkrar mənzil bazarının monitorinqi göstərir ki, bu ərazidə köhnə məzillərin 2m2-i 600-800 manata təklif edilib. Yaxındakı yeni binalarda qiymət 1200 manat/m2-dir. «Sovetski»nin köçürülməsi ilə qiymət 1500 manat/m2-ə yaxınlaşıb», deyə o bildirib.

Hökumət bildirir ki, "Sovetskidə sökülən evlərin yerində ilkin müfəssəl plana görə, heç bir bina, ev və ya obyekt tikiliməyəcək. Həmin ərazi tamamilə yaşıllıqdan ibarət olacaq". Baş nazirin müavini Abid Şərifov birbaşa efirdə deyib ki, yaşayış binalarının tikintisindən söhbət gedə bilməz. O, qeyd edib ki, maya qədər inventarlaşma başa çatacaq və hökumət az sahəsi olan evlərə görə daha yüksək ödəniş edilməsinə baxa bilər. «1 m2 üçün 2,5-3 min manat ödənilməsindən danışırlar.Amma bu prinsip də bu kateqoriya vətəndaşlara daşınmaz əmlak almağa imkan verməyəcək», deyə Şərifovq eyd edib. Onun sözlərinə görə, indiyədək 3 min ev inventarlaşdırılıb. Onların dörddə birinin sahəsi 25 m2-dir.

Bu yaxınlarda Dövlət Şəhərsalma və Arxitektura Komitəsinin sədri Abbas Ələsgərov deyib ki, həm Sovetski, həm Xutor, həm də Papanində söküləcək evlərin yerində yalnız yaşıllaşdırma işlərinin aparılması nəzərdə tutulub. Lakin həmin ərazilədə yaşayan insanlar oradan köçməsə, o zaman həmin ərazilərə uyğun yeni plan hazırlana bilər. Hazırda əlimizdə ilkin planın sxemi var. Biz hələ bilmirik ki, oradan neçə nəfər köçəçək. Sökülmə işləri başa çatdıqdan sonra yeni planın hazırlanmasına ehtiyac olub-olmadığı müəyyənləşəcək. Yaşıllaşdırma ilə yanaşı, həmin ərazilərdə ictimai binalar da tikilə bilər".  08B