![TANAP qaz kəmərinin təməlqoyma mərasimi](https://turan.az/resized/750/500/resize/media/2015/main/031800110139.jpg)
TANAP qaz kəmərinin təməlqoyma mərasimi
Martın 17-də Qarsda Transanadolu qaz kəmərinin (TANAP) təməlqoyma mərasimi keçirilib. Mərasimdə Türkiyə, Azərbaycan və Gürcüstan prezidentləri iştirak ediblər.
Tikintinin beş il ərzində və bir neçə mərhələdə həyata keçirilməsi nəzərdə tutulur. Birinci mərhələ 2018-ci ildə başa çatacaq, 2020-ci ildə boru kəmərinin buraxılış gücü 16 milyard kubmetrə, 2023-cü ildə 23 milyard kubmetrə, 2026-cı ildə 31 milyard kubmetrə çatdırılacaq.
İlkin mərhələdə 16 milyard kubmetr qazdan 10 milyard kubmetri Avropaya, 6 milyard kubmetr isə Türkiyəyə satılacaq.
Gürcüstan prezidenti Georgi Marqvelaşvili qeyd edib ki, bu layihə regionun, eləcə də Gürcüstanın inkişafında mühüm rol oynayacaq.
Azərbaycan prezidenti İlham Əliyev bildirib ki, bu gün “Şahdəniz” qaz yatağı “Cənub” qaz dəhlizi üçün yeganə resurs mənbəyidir.
O əmin olduğunu bildirib ki, TANAP və TAP layihələri üzrə işlər qrafik üzrə gedəcək, Azərbaycanın nəhəng qaz ehtiyatları isə “Cənub” qaz dəhlizini təmin edəcək.
Türkiyə prezidenti Rəcəp Tayyib Ərdoğan “Şahdəniz” yatağından qazı Avropaya nəql edəcək boru kəmərinin önəmini vurğulayıb.
Onun sözlərinə görə, TANAP-ın alternativi yoxdur və o, Avropa ilə Xəzər regionu arasında möhkəm əlaqələrin qurulmasına xidmət edəcək.-02В-
-
- İqtisadiyyat
- 18 Mart 2015 11:44
-
- İqtisadiyyat
- 18 Mart 2015 12:27
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz