Nazirlər Kabineti fevralın 4-də “Vergilər Nazirliyinin fəaliyyətinin gücləndirilməsi məqsədi ilə” ştat sayının artırılması barədə qərar qəbul edib.
Qərara əsasən, nazirliyin ümumi ştat sayı 200 vahid artırılaraq cəmi 2319 vahid, o cümlədən aparatının ştat sayı 72 vahid artırılaraq 334 vahid müəyyən edilib.
Vergilər Nazirliyinin analitik şöbəsində Turan-a deyiblər ki, ştat artımı əsasən vergi xidməti sektoru ilə bağlıdır. Son illər vergi ödəyicilərinin sayı 500 mini keçib. Onlara xidmət çətinləşir, həmçinin nazirlik regionlarda vergi ödəyicilərinə xidmət üçün terminallar yaradır.
Vergilər Nazirliyi vergi ödəyiciləri üçün aktiv şəkildə elektron xidmətlər tətbiq edən aparıcı dövlət strukturudur. Vergi bəyannamələrinin 90%-i elektron formada qəbul edilir. Hüquqi və fiziki şəxslərin dövlət qeydiyyatı da qismən elekton rejimdə həyata keçirilir.
«Yasovul» hüquq şirkətinin direktoru, Vergilər Nazirliyinin sabiq əməkdaşı Əlabbas Rüstəmov Turan-a deyib ki, sıraların genişləndirilməsi Vergilər Nazirliyinə sahibkarlara nəzarəti sərtləşdirmək üçün lazımdır. «Ticarət və başqa biznes növləri üzərində hərtərəfli nəzarət üçün insan resursları lazımdır. İnzibati resurslar əmək müqaviləsinin bağlanması və icarə müqavilələrinin bazar qiymətinə uyğunluğuna nəzarət üçün lazmdır », deyə o qeyd edib.
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz