�Bank Standard�ın müflisləşməsində təqsiri olan hər kəs qanun qarşısında cavab verəcək � Əkrəm Həsənov

Bakı/11.08.17/Turan: "Bank Standard"ın Kreditorlar Komitəsinin sədri Əkrəm Həsənov Əmanətlərin Sığortalanması Fondunun yeni rəhbərindən razıdır.

Ə.Həsənov "Facebook" səhivəsində yazıb ki, Fondun yeni rəhbəri Vüqar Abdullayevlə bağlanan bankların Kreditorlar Komitəsinin sədrləri, o cümlədən onunla görüşüb.

"Vüqar Abdullayevlə bağlı ümidlərimi bölüşdüm. Fondun yeni rəhbərliyi bankların ləğvi prosesində şəffaf, obyektiv və konstruktiv mövqe nümayiş etdirərək həmin bankları bu günə qoyanların məsuliyyətə cəlb olunması, kreditorların və bütün zərərçəkənlərin maraqlarının qorunmasına və nəticədə bank sistemimizə etimadın daha da artmasına nail ola biləcək", deyə Ə.Həsənov yazıb.

Ekspert qeyd edib ki, Fondun da, kreditorların da ümumi məqsədi eynidir: bütün kreditorların pulunun qaytarılması. Bu məqsədə nail olmaq üçün isə tam şəffaf şəkildə 3 istiqamətdə iş aparılmalıdır: 1) bankın əmlakının hərrac yolu ilə satılması; 2) bankın verdiyi kreditlərin qaytarılması; 3) bankı bu vəziyyətə salmış inzbatçılardan və buna göz yummuş məmurlardan vurulmuş zərərin əvəzinin tələb edilməsi. Ə.Həsənov qeyd edib ki, bu işin nəticəsində həm Fond, həm də kreditorlar pullarını qaytara biləcək, bütövlükdə isə bank sisteminə etimad artacaq. Artıq o cümlədən hüquq-mühafizə orqanları tərəfindən müəyyən işlərin görülməsinə başlanılıb,

"Kreditorlar Komitəsi bütün məlumat və materialları toplayandan sonra "Bank Standard"ın müflisləşməsində təqsiri olan hər kəsə qarşı iddialar irəli sürərək vurulmuş zərərin əvəzinin ödənilməsini tələb edəcək. Bura bankın inzibatçıları, kənar auditoru, ona nəzarət etmiş Mərkəzi Bank və digərləri daxildir. Deyilənə görə bankda 1 mlrd. manat vəsait çatışmır. Bankı idarə edən inzibatçılar, onlara nəzarət etmiş Mərkəzi Bank cavab verməlidir", deyə Ə.Həsənov yazıb. 71D