Фото из открытых источников
- Söz istəyirəm
- 12 Avqust 2017, 11:01
- 82
Oxucular KİV-in sonuncu qalasına hücum haqqında:
Vergilər Nazirliyinin Turan İnformasiya Agentliyinə qarşı maliyyə iddiası irəli sürməsi və cinayət işi açması Azərbaycan cəmiyyətində qəzəbə səbəb olub. Bu hadisənin siyasi sifariş olduğu aşkardır, belə ki, jurnalistləri vergilərdən yayınmaqda imtina edən həmin nazirlik bir ay əvvəl agentliyin heç bir borcu olmadığı ilə razılaşmışdı. Bəs onda KİV öz xərclərini çətinliklə ödədiyi halda, 37 min manatlıq borc haradan çıxdı?
Turan İnformasiya Agentliyindən ittihamların qanunsuz olduğunu və jurnalistlərə hücumun gizli siyasi səbəbi olduğunu bildiriblər. Hakimiyyət Azərbaycanda qalan sonuncu azad nəşrin işinə xitam vermək niyyətindədir, - agentlik belə hesab edir.
Turan İnformasiya Agentliyi Azərbaycanda hələlik azad olan facebook-un imkanlarından istifadə edərək, sorğu keçirib. Suallara cavab verənlərin qarşılaşacaqları təhlükələri dərk edərək, onların yaşayış yerini və peşəsini açıqlamırıq. Yalnız onu deyək ki, bizə həm Azərbaycandan, həm də Avropa ölkələrindən, iki dildə cavab veriblər. Cavab verənlərdən heç biri Vergilər Nazirliyinin Turan Agentliyinə qarşı əməllərindən razılıq ifadə etməyib.
Vüqar Mustafayev:
Vəssəlam, deməli, bu, artıq sondur. Təəssüflər olsun...
Seymur Kazımov:
Turan İnformasiya Agentliyi Azərbaycan mediasının sonuncu alınmayan qalasıdır. Bu qala düşərsə, ölkədə media adında bir şey qalmayacaq... biz jurnalistlər də dərbədər olacağıq...
Babək Məmmədov:
Ramiz Ənvəroviçin "aşının suyunu verən" irodianlar haqqında məqalədən sonra cavab gözləmək lazım idi. İndi maraqlıdır, Paşayevlər sonuncu müstəqil KİV olan "Turan"ı qoruya biləcəklərmi? Mehdiyev 10 il əvvəl "Qərb neokolonializmi ilə mübarizədə dəmir pərdə" adlı kitabında bəhs etdiyi planını həyata keçirir. Müxalifətin aradan qaldırılması, loyal QHT-lərlə əvəz edilməsi. Mətbuat və TV üzərində total nəzarət. "Zerkalo"nu bağladılar, "Turan"ı da bağlayarlar. Onda biz doğrudan da Zimbabveyə çevriləcəyik.
Zöhrab İsmayıl:
"Turan" İnformasiya Agentliyi doğrudan da Azərbaycanda müstəqil medianın son qalasıdır. Müdafiə etməliyik...
Şahin Abbasov:
Düşünürəm ki, bu, sifarişdir. Çox ümid edirəm ki, "Turan" sağ qalacaq və işini davam etdirəcək!!!
Ramin Nağıyev:
Onlara da əlləri çatdı... Sonuncu mogikan - Turan agentliyi ölkədə azad mətbuatın məhv edilməsinin final mərhələsidir. Dəhşətli hüquqi nihilizmə bərabər olan və yuxarı orqana, onun qərarına tabesizliyi, habelə Konstitusiya və Vergi Məcəlləsinə etinasızlığı nümayiş etdirən tələskənlik həm də bu əməllərin və qərarların sifariş xarakterli olmasının, KİV orqanı kimi Turan Agentliyinin fəaliyyətinə mane olmağa, onun işinin iflic vəziyyətinə salınmasına yönəldiyinin göstəricisi ola bilər. İki departamentin sinxron addımları və açıq-aşkar əsassız olaraq açılmış cinayət işi də bu şübhələri gücləndirir.
Anar Xanbəyli:
Məncə maliyyə mənbələrini yoxlamaq istəyirlər, inanmırlar ki, özünü dolandıra bilər. Daha doğrusu, dəqiq bilirlər ki, Turan yetərincə pul qazana bilməz. Çünki bütün qazanc mənbələrini bu hakimiyyətin özü bağlayıb.
-
- Cəmiyyət
- 11 Avqust 2017 18:22
Söz istəyirəm
-
ABŞ federal tədqiqatçıları Demokrat konqresmen Henri Kuelların Azərbaycanın idarə etdiyi neft şirkəti və Meksikadakı bankdan $600,000 dollar həcmində rüşvət alması ittihamı ilə bağlı işdə artıq üç nəfər təqsirini etiraf etdiyini bildirir.
-
Mayın 3-də ABŞ-ın Bakıdakı səfiri Mark Libbinin böyük müsahibəsi çox səs-küy yaratdı və siyasi müzakirələrə səbəb oldu. Eyni zamanda, Amerika diplomatiyası, eləcə də səfirlik personalının işilə bağlı bir sıra vacib amili ortaya qoydu.
-
Bir sıra ağır xroniki xəstəliklərdən əziyyət çəkən qardaşım Cahangir Hacıyev səkkiz il yarımdır ki, həbsdədir. Səkkiz ildir ki, biz Penitensiar Xidmətin ona minimal tibbi yardım göstərilməsini və həkim nəzarətini təmin etməsinə nail olmağa çalışırıq. Bu illər ərzində o, dəfələrlə ürəkağrısı, təzyiq, hipertonik böhranlar, hormonal, immunitet sistemlərinin kəskinləməsi və mədəaltı vəzi tutmalarına məruz qalıb. Hətta bir dəfə təcili yardım çağırıblar. Dəfələrlə müraciətlərimizə baxmayaraq, onu mərkəzi tibb müəssisəsinə və koloniyanın özündəki sanitariya hissəsinə köçürməkdən imtina edirlər.
-
Türkiyənin unikal radio kolleksiyası olan mədəniyyət ocağından reportaj Mersin şəhərinin Tarsus qəsəbəsinin qədim mədəniyyətinə yeni tarix qatan məkandayıq. Eyuboğlu malikanəsindəyik. Bura həm də bir sərgi salonudur. Məkanın sahibləri və işlədənləri Eyubxan bəy və Pərvin xanım Eyuboğlular cütlüyüdür.
Rəy yaz